8.1 C
Kathmandu
Thursday, January 20, 2022
Your Ad Here  9857041698

डोजर चल्यो…बनका रुख ढाल्दै कावासोती नगरपालिकाको डोजर, बन मास्दै उपभोक्ता समूह, चर्को दवावमा डोजर छोडियो

- Advertisement -
- Advertisement -spot_imgspot_img

कावासोती, नवलपुर । शिव सामुदायिक वनमा निर्माणाधिन पार्कको सफाईको नाममा वन उपभोक्ता समूहले बुधबार दश वटा हरिया रुख ढालेको छ । कावासोती नगरपालिकाको लु १ ग ३१३ नम्बरको डोजर प्रयोग गरेर वन उपभोक्ता समूहले रुखहरु ढलाएको महाराजा इलाका वन कार्यालय कावासोतीकी सहायक वन अधिकृत चमेली देवकोटाले जानकारी दिनुभयो ।
वन समूहले कुनै पनि निकायवाट अनुमति नलिई हरिया ठाडा रुखहरु ढालेको अधिकृत देवकोटाले बताउनुभयो । समूहले ९ वटा सिसौंको रुख र एउटा बकाइनाको गरि दश वटा रुख ढालेको छ । वन ऐन विपरित रुखहरु ढालेको पाइएपछि रुख ढाल्न प्रयोग गरिएको नगरपालिकाको डोजर वनले नियन्त्रणमा लिएको थियो । जथाभावी रुख ढालेको हुदा समूहलाई वन ऐन अनुसार कारवाही गरिने देवकोटाले बताउनुभयो।


वनले नियन्त्रणमा लिएको डोजरलाई नगरपालिकाको चर्को दबाबका कारण छोडिएको श्रोतको दाबी छ । वन उपभोक्ता समूहको अध्यक्ष गीता अर्यालको जिम्मामा आवश्यक परेको समयमा उपस्थित गराउने शर्तमा छाडिएको वन कार्यालयले जनाएको छ ।
वन उपभोक्ता समूहको कार्यालय परिसर भित्र निर्माण गरिएको पार्कको सुरक्षाका लागि रुखहरु ढालिएको उपभोक्ता समूहकी अध्यक्ष अर्यालले जानकारी दिनुभयो । पार्कमा रहेका रुखका हागा भाचिएर दुर्घटना हुने सम्भावना देखेर आफुहरुले पार्क भित्रको क्षेत्र सफा गरेको  अर्यालले बताउनुभयो ।
सामुदायिक वनको हाता भित्र कावासोती नगरपालिकाको आर्थिक सहयोगमा पार्क निर्माण भइरहेको छ । नगपालिकाको स्वामित्वमा रहेको डोजर प्रतिघण्टा एक हजार ७ सयका दरले राजश्व तिरेर प्रयोगमा लैजानुपर्ने हुन्छ । तर समूहले राजश्व नतिरीकनै कर्मचारीको मौखिक आदेशमा डोजर लगेर प्रयोग गरेको नगरपालिका श्रोतले जनाएको छ । राजश्व नतिरी कसरी डोजर प्रयोगमा लगियो भन्नेमा छानविन गरिने नगरपालिकाले जनाएको छ ।जेठ-२४, २०७५

- Advertisement -

ताजा खबर

- Advertisement -spot_img

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

error: Content is protected !!