पश्चिम नवलपरासीको रामग्राम बाट लागू औषध सहित एक ब्यक्ती पक्राउ परेका छन् । जिल्ला प्रहरी कार्यालय बाट खटिएको प्रहरी टोलीले महेशपुर बाट परासी तर्फ आउदै गरेको भारतीय नम्बरको युपि ५६ ई २८७६ नम्बरको मोटरसाइकलमा सवार ब्यक्ति लाई खानतलासी गर्दा लागू औसध बरामद भएको हो । जिल्ला प्रहरी कार्यालयका डीएसपि रेशम बोहोराका अनुसार रामग्राम नगरपालिका ७ उजैनी बस्ने वर्ष ५३ को निर्मल नेटुवाको साथ बाट लागुऔषध डाईजेपाम ४६ एम्पुल, फेनारगन ४८ एम्पुल र नुफिन ४९ एम्पुल बरामद गरेको हो । रुमालले कम्मरमा बाधेर ल्याउदै गर्दा प्रहरीले उक्त लागू औसध बरामद गरेको हो । पक्राउ परेका नेतुवालाई औषध सम्बन्धि कसुरमा जिल्ला अदालत परासीबाट म्याद थप गरेर थप अनुसन्धान भैरहेको छ ।
