पछिल्लो केहि वर्ष यता नाप तौल विभागले डिजिटल तराजुलाई मान्यता दिए संगै व्यवसायीहरुले डिजिटल काटांको प्रयोग बढि गर्न थालेका छन । पुराना तराजुहरुमा एकै किसिमको तौल नहुने भन्दै यतिबेला डिजिटल तराजु सबैको रोजाइमा परेको हो । उपभोक्ताहरु न्ठगिनका लागि नाप तौल विभागद्धारा पुष्टी गरीएको डिजिटल मापन मेसिनको प्रयोग बढेको हो ।
पहिले पहिले प्रयोग गरिने साधारण तराजुमा एकै खालको मापन नहुने हुदा पनि यतिबेला डिजिटल तराजुको माग बढि आउने गरेको डिजिटल युनिक सप्लार्यसका कृष्ण बास्तोलाले बताउनुभयो । उहाका अनुसार आफुले करिव ३ वर्ष अघि देखि नै डिजिटल काटांको विक्रि गर्दे आएको र अहिले यसको विक्रि र यसको माग तिब्र रहेको बताउनुभयो । पहिले माप डण्ड पुरा नभएका काटा तथा तराजुहरुमा एकै किसिमको मापन नहुने र यसबाट आम उपभोक्ताहरु ठगिने हुदा पनि हाल डिजिटल काटाको माग बढ्दो रहेको बास्तोलाको भनाइ छ । पहाडि क्षेत्रमा भन्दा तराई क्षेत्रमा यसको माग बढि आउने गरेको बताउनुभयो । पहाडि क्षेत्रमा विधुतको समस्या हुने कारण त्यति पहाडी क्षेत्रबाट माग नआए पनि तराई क्षेत्रबाट यसको माग बढि आउने गरेको बताउनुभयो । डिजिटल तराजु चार हजार देखि ३० हजार सम्मका बजार मुल्य रहेको छ । मङ्सिर -२८,२०७४
