कावासोती, नारायण प्रभु । नवलपरासीको कावासोती- १ कोइलापानीको नव निर्मित मन्दिरमा गणेशमुर्तिको प्राण प्रतिष्ठा गरिएको छ । यहाका समाजसेवी धन प्रताप सेन ठकुरी, चित्र कुमारी सेन, रण प्रताप सेन, शान्ति सेनको परिवारले ४५ हजार खर्चेर मुर्ति निर्माण गरि महाराजा प्रकृति आमा समूहलाई हस्तान्तरण गरेका हुन । समुहले निर्माण गरेको मन्दिरमा उक्त मुर्तिको प्राण प्रतिष्ठा गरिएको हो । प्राण प्रतिष्ठा गर्नु अघि समूहले आज छहारी चोक, कोइलापानी , बिष्णुनगर, हातिखोर, रिठेपानी हुदै मन्दिर परिषर सम्म झाकी सहित को -याली गरेको थियो । उक्त मन्दिरका लागि स्थानीय परशुराम पौडेलले बाद्यबादनका सामाग्री, चुडामणि कंडेलले मन्दिर को गजुर, हिमाल श्रेष्ठले मन्दिरका लागि घण्ट हस्तान्तरण गरेका छन् । स्थानीय समूह लगाएतको सहभागितामा उक्त मन्दिर संकलन गरिएको करिव ७ लाख रकम बाट स्थापना गरिएको हो । जेठ-१६, २०७४