नवलपरासीको दुम्किबासमा भारतीय ट्रकको ठक्करबाट १ जनाको मृत्यु

 कावासोती,पुस-१, २०७३, नवलपरासीको दुम्किबासमा भारतीय ट्रकले ठक्कर दिँदा मोटरसाइकलमा सवार एकको मृत्यु भएको छ भने अन्य एक घाइते भएका छन्। बिहीबार राती पश्चिमबाट पूर्वतर्फ आउँदै गरेको भारतीय यूपी ६५ सी टी ३७१७ नम्बरको ट्रकले विपरीत दिशाबाट आउँदै गरेको लु १७ प ११७७ नम्बरको मोटरसाइकललाई ठक्कर दिँदा बर्दघाट-५ पालडाँडा बस्ने २१ वर्षिय आशिष जीसीको मृत्यु भएको छ। उक्त दुर्घटनामा सोही ठाउँका २० वर्षिया जितेन्द्र चौधरी गम्भिर घाइते भएका छन् र उनको उपचार भइरहेको प्रहरीले जनाएको छ।