8.1 C
Kathmandu
Thursday, January 20, 2022
Your Ad Here  9857041698

राष्ट्रिय झण्डा र जनावर फेर्न सभासदको संशोधन प्रस्ताव

- Advertisement -
- Advertisement -spot_imgspot_img

१४ भदौ, काठमाडौं । संविधानको परिमार्जित विधेयकमा संशोधन खुला भएको पहिलो दिन तीनवटा साना दलका केही सभासदले संशोधन प्रस्ताव दर्ता गराएका छन् ।

Dipak-Bohora,-Shivalal-Thapसंविधानसभा सचिवालय विधेयक शाखाका अनुसार राप्रपा संसदीय दलका नेता दीपक बोहोरा, जनमुक्ति पार्टीका शिवलाल थापा र सीमा बिक तथा समाजवादी दलका प्रेमबहादुर सिंहले संशोधन प्रस्ताव दर्ता गराएका छन् ।

संशोधन दर्ताका लागि ७ दिनका समय रहेकाले अन्य सभासदहरुले पनि संशोधन हाल्ने तयारी गरिरहेका छन् ।

जनमुक्तिका सभासद शिवलाल थापा र सीमा बिकले राष्ट्रिय झण्डा र राष्ट्रिय जनावर फेर्नुपर्ने प्रस्ताव दर्ता गराएका छन् ।

उनीहरुले चन्द्र र सूर्य अंकित राष्ट्रिय झण्डा परिवर्तन गर्नुपर्ने र राष्ट्रिय जनावर गाईको साटो एकसिंगे गैंडा राखिनुपर्ने भन्दै संशोधन दर्ता गराएका हुन् ।

त्यस्तै राप्रपा संसदीय दलका नेता दीपक बोहोराले प्रदेश नम्बर ५ का पहाडी जिल्लाहरुलाई हटाई एकीकृत नवलपरासीदेखि बर्दियासम्म एउटा प्रदेश बनाउन संशोधन प्रस्ताव हालेका छन् ।

हेर्नुस् संशोधन प्रस्ताव

Samsodhan-Prastab

त्यस्तै उनले राप्रपाका तर्फबाट हालको संशोधनमा धर्म निरपेक्षता भन्ने शब्दावली हटाई सनातन सर्वधर्म सापेक्ष राष्ट्र भन्ने शब्दावली राख्न वा धर्म निरपेक्षताको विषयमा जनमत संग्रहबाट टुंगो लगाउने प्रस्ताव दर्ता गराएका छन् ।

ठूला दल चुपचाप

ठूला दलका तर्फबाट भने सभासदहरुले व्यक्तिगत रुपमा संशोधन हाल्ने सम्भावना देखिएको छैन । कांग्रेसले सभासदहरुलाई भेला गरेर फकाइरहेको छ ।

एमालेले कुनै पनि सभासदलाई पार्टीको अनुमतिबिना संशोधन नहाल्न निर्देशन दिइसकेको छ । एमाले स्रोतका अनुसार आदिवासी जनजाति सभासदहरुको आग्रहबमोजिम पार्टी नेतृत्वले केही विषयमा कांग्रेस एमाओवादीसहितको सहमतिमा संशोधन हाल्दैछ ।

स्रोतका अनुसार आदिवासी जनजातिको माग सम्बोधन गर्नका लागि धर्म निरपेक्षताबाट पछि नहट्ने सम्भावना छ ।

त्यस्तै संविधानमै आदिवासी जनजाति आयोग व्यवस्था गर्ने सन्दर्भमा एमालेसहितका अन्य दलका नेताहरु सकारात्मक रहेकाले जनजातिको ठूलो माग पूरा हुन लागेको एमाले सभासद शेरधन राईले बताए ।

अबको संशोधनमा आदिवासी जनजाति आयोग, मुस्लिम आयोग, मधेसी आयोग र थारु आयोग थप्ने गरी छलफल चलिरहेको छ । यसका लागि संविधानसभा अध्यक्ष सुवास नेम्वाङले नै पहल गरेका छन् ।

दुई तिहाई बहुमत पुग्ने गरी यी विषयमा संशोधन प्रस्ताव आउनेछ । यस बाहेक एमाओवादीले शासकीय स्वरुप लगायतका केही विषयमा संशोधन प्रस्ताव ल्याउने भएको छ ।

 

- Advertisement -

ताजा खबर

- Advertisement -spot_img

Related news

3 टिप्पणी

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

error: Content is protected !!