तिम्रा धाराहरुबाट भुंईमान्छेहरुले प्यास मेट्न नपाउंदा
तिमिलाई पनि कति दु:ख लागेको होला है !!!
तिमिले रचेको प्रस्तावनाको सित्तल छहारीमा तरमाराहरु मात्रै बसेको देख्दा
तिम्रो चित्त कति दुख्यो होला है !!
संविधान….
तिम्रा मौलिक हकहरु ठाडै सुकेको रुख झै भएका छन् ।
तिम्रा निर्देशक सिद्दान्तहरु सौदावाजीमा पेलिएका छन् ।
तिम्रा नीतिहरु देखाउने दाँत भएकाछन् ।
यो सबै आफ्नै अगाडि देख्दा तिम्रो मन कति रोयो होला है !!!
तिमी प्रति भन्नू केही छैन संविधान….
तिमी भित्र लोकतन्त्र छ तर हामी भित्र लोकतान्त्रिक संस्कार छैन ।
तिमी भित्र गणतन्त्र छ तर हामी भित्र गणतान्त्रिक संस्कार छैन ।
तिमि भित्र समावेशिता छ तर हामी भित्र समाबेशी संस्कार छैन ।
तिमी भित्र राष्ट्र छ तर हामी भित्र राष्ट्रियता छैन ।
त्यसैले
अपेक्षाको भारी तिमिलाई बोकाएर,
स्वार्थले रजगज गर्नेहरु नै पापी हुन् । दोसी हुन् ।
संविधान तिमी अक्षर हौ ।
तिमीलाई प्राण प्रतिष्ठा गर्नेहरुले नै तिम्रो प्राण नहरुन् ।
धरै धरै शुभकामना
