27 C
Kathmandu
Thursday, July 9, 2020
2020 Jul 09, Thursday 01:59

TRENDING .

गर्भावस्थामा योग

- Advertisement -

गर्भावस्थामा शारीरिक रुपले सक्रिय र मानसिक रुपले सकारात्मक हुनु जरुरी छ । सक्रियता भनेको समुचित शारीरिक क्रिया हो । गह्रौ वा बोझिलो काम गर्न हुँदैन । बेला-बेला विश्राम पनि आवश्यक हुन्छ ।

गर्भावस्थामा केही शारीरिक परिवर्तन हुन्छ। यसले शारीरिक र मानसिक दुवै रुपमा कतिपय समस्या पनि ल्याउने गर्छ । खुट्टा सुन्निने, कब्जियत हुने जस्ता समस्याहरू देखापर्न सक्छ । साथसाथै मनमा भय, तनाव पनि उत्पन्न हुन्छ ।

जबकि गर्भावस्थामा मन शान्त एवं प्रफुल्ल हुन जरुरी छ, सकारात्मक हुन जरुरी छ । यसका लागि योग, ध्यान र प्राणायाम सर्वोत्तम विकल्प हुनसक्छ । तर, सबै किसिमको योग आसन गर्भावस्थाका लागि उपयुक्त हुँदैन । त्यसैले यस्तो अवस्थाका कुन आसन गर्न हुन्छ र सकिन्छ । त्यहीअनुसार योग अभ्यास गर्न सकिन्छ । यद्यपि योग गर्नुअघि चिकित्सकसँग परामर्श भने गर्नैपर्छ । चिकित्सकको परामर्श र योग प्रशिक्षकको सहयोगमा मात्र योग गर्नुपर्छ । आफूखुसी भने योग गर्न उचित हुँदैन ।

गर्भावस्थामा गरिने योग अभ्यास, ध्यान एवं प्राणायामले मानसिक रुपमा आफूलाई शान्त र सन्तुलित राख्न मद्दत गर्छ । अनावश्यक तनाव, भयबाट मुक्त राख्नेछ । शारीरिक लाभ त छँदैछ । यसले गर्भको शिशुलाई समेत फाइदा पुग्छ। गर्भावस्थामा हुने शारीरिक परिवर्तन, हर्मोनल गडबडीलाई सन्तुलित राख्न पनि योगको भूमिका अहं हुन्छ ।

गर्भावस्थामा के कस्ता योग गर्ने त ?

शवासन

शवासन एक सरल योग आसन हो । आफूलाई एकदमै सहज हुने हिसाबले भुइँमा उत्तानो परेर सुत्नुपर्छ। हात खुट्टा सिधा र आँखा बन्द हुनुपर्छ। यो आसन गर्भवतीले नियमित रुपमा गर्न सक्छन् । यसबाट उनीहरूमा मानसिक समस्या कम हुन्छ । गर्भको शिशुको विकासमा पनि फाइदा गर्छ ।

कोणासन

कोणासनको दुईवटा फाइदा छन् । एक त यसले मेरुदण्डको हड्डी बलियो बनाउँछ । अर्को चाहिँ रक्तसञ्चार राम्ररी सुचारु गराउँछ । साथसाथै रोग प्रतिरोधात्मक क्षमता बढाउँछ। खासगरी गर्भावस्थामा हुने कब्जियतबाट मुक्त दिलाउनका लागि कोणासन उचित हुन्छ ।

ताडासन

गर्भवती महिलाको लागि ताडासन योग धेरै लाभदायक हुन्छ । यसले मेरुदण्डको हड्डी बलियो बनाउनुको साथै ढाड दुख्ने समस्याबाट पनि राहत पुग्छ । यस आसन गर्भावस्थाको सुरुको ६ महिनासम्म गर्न सकिन्छ ।

मार्जरी आसन

यो आसन क्याट पोजको नामले पनि प्रचलित छ । यस आसन गर्नाले मेरुदण्डमा तागत र शरीरमा लचिलोपन आउँछ । रक्तसञ्चार राम्रो हुनुको साथै पाचन प्रणाली पनि राम्रो हुन्छ ।

ताजा खबर

प्राकृतिक विधिबाट कसरी फोक्सोलाई तन्दुरुस्त राख्ने ?

फोक्सो किन खराब हुन्छ ? यसमा अनेक कारण छन् । खासगरी वायु प्रदूषण र धुम्रपान फोक्सो खराब गर्ने मूल कारण हुन् ।
- Advertisement -

निद्रा र सुन्दरताबीचको सम्बन्ध

राम्रो स्वास्थ पाउनका लागि सही र पौष्टिक भोजन सेवन गर्नु अति नै आवश्यक हुन्छ । यसको साथै आफ्नो दिमाग ताजा र रिल्याक्स...

पानीको वाफ : अनुहारको छाला र फोक्सोलाई फाइदा

हामीसँग कतिपय यस्ता प्राकृतिक विधी छन्, जो सौन्दर्यदेखि स्वास्थ्यसम्म लाभदायक मानिन्छ । जस्तो कि, पानीको वाफ । एकदमै सरल र छरितो विधी...

दुध चियाले निम्त्याउने स्वास्थ्य समस्या

धेरैजसो नेपालीले दिनको सुरुवात नै चियाबाट गर्छ । आफ्नै भान्सामा पाकेको तात्तातो चिया पिएपछि ज्यान तंग्रिएको महसुष गर्छन् । त्यसो त पाहुनालाई...

Related news

प्राकृतिक विधिबाट कसरी फोक्सोलाई तन्दुरुस्त राख्ने ?

फोक्सो किन खराब हुन्छ ? यसमा अनेक कारण छन् । खासगरी वायु प्रदूषण र धुम्रपान फोक्सो खराब गर्ने मूल कारण हुन् ।

हठयोग : यम, नियम र आसन

हठयोग एक किसिमको योगशाला हो, जसबाट मस्तिष्क र शरीरको सन्तुलन मिलाउन सकिन्छ । यो थुप्रै योगासनको एक पूर्ण शृंखला हो । यसको नियमित अभ्यासले मानसिक शान्ति, स्वस्थ जीवन प्राप्त हुन्छ । यो योगासनले मनलाई शान्त तुल्याएर आत्मको गुप्त शक्ति जागृत गर्दै संकल्पशक्ति बढाउने मद्दत गर्छ ।

कपलभाती प्राणायाम : सरल विधी, अनेक लाभ

त्यसो त कुनैपनि प्राणायाम आफैमा अत्यान्तै लाभदायक छन् । प्राणायामले शरीरमा शुद्ध वायु मिल्छ । फोक्सो, मुटु लगायतका अंगहरुलाई सक्रिय बनाउँछ ।...

अनुलोम विलोम कसरी गर्ने ? के छ फाइदा ?

स्वस्थ एवं तन्दुरुस्त जीवनका लागि योगको नियमित अभ्यास आवश्यक हुन्छ । अतः योग अभ्याससँगै छुटाउन नहुने प्राणायाम हो, अनुलोम विलोम ।

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्