पश्चिम नवलपरासीको सुनवल नगरपालिका ७ चारपालामा रुखले च्यापेर २ जनाको मृत्यु भएको छ भने तीन जना घाईते भएका छन् । आज मध्यान्न आएको हावाहुरी छल्न सडक प्रतिक्षालयमा बसेको समयमा बर्रोको रुख प्रतिक्षालय माथी ढलेपछि च्यापिएका थिए ।
जिल्ला प्रहरी कार्यालय पश्चिम नवलपरासीका डिएसपी बिर दत्त पन्तका अनुसार ३० वर्षकी मिरा बयम्बु , ४० वर्षका दुर्गा बहादुर पुनको मृत्यु भएको थियो । घटनामा स्थानीय नरमति परियार , अनिल थापा र दुर्गेश्वरा खाम्चा मगर घाइते भएका छन् । घाइतेहरुको रुपन्देहीको देवदह मेडिकल कलेजमा उपचार भइरहेको छ ।
