पुर्ब पश्चिम राजमार्ग अन्तर्गत पश्चिम नवलपरासीको दाउन्नेमा अत्याधिक हुस्सु र शितलहरको कारण सडक अबरुद्द भएको छ । नारायणगढ बुटवल सडक विस्तारको क्रमम रहेको यो सडक खण्डमा उकालो र ओरालोमा शितलहरले बाटो चिप्लो भएको र बाक्लो हुस्सु ले अगाडीको सवारी नदेखिने अवस्था छ । जिल्लाको बर्दघाट नगरपालिका ४ खुर्सानी खोला स्थित पुर्व पश्चिम राजमार्गमा हुस्सु तथा शितलहरको कारण बाटो चिप्लो भएर दुई तर्फी सडक अबरुद्द भएको जिल्ला प्रहरी कार्यालय पश्चिम नवलपरासीका डिएसपी रेशम बोहोराले बताए ।
प्रहरीले ठुला र मालबहाक सवारीलाइ पुर्ब तर्फ दुम्किबास र पश्चिम तर्फ बर्दघाटमा रोकेको छ ।यस अघि पनि बर्षामा सडक हिलो हुदा उकालोमा सवारी चिप्लिएर सडक अबरुद्द हुने गरेको थियो । सडक बिस्तारकोक्रम मा दाउन्नेमा सडक एक तर्फी भएर घन्टौ जामम बस्नु पर्ने बाध्यतामा रहेका यात्रुलाई थप सास्ती भएको छ । सडक अब अबरुद्द हुदा सयौ सवारी जाममा परेका छ्न ।
