पांग्रेमा गएको पहिरो एक हप्ता सम्म पनि नहट्दा आवतजावतमा समस्या

पुर्वी नवलपरासीको सदरमुकाम कावासोतीबाट पहाडी भेग जोड्ने हुप्सेकोट गाउंपालिका वडा नम्बर ५ को पांग्रेमा गएको पहिरो एक हप्ता सम्म पनि नहट्दा आवातजावतमा समस्या भएको छ । पुर्व पश्चिम राजमार्गको कावासोती कुमसोत–पोखरी खण्डको पांग्रेमा एक हप्ता अगाडी झरेको पहिरो अझै हटेको छैन् । पहिरो हटाउने प्रयसा भएको भएपनि लगातारको वर्षाको कारण पहिरो खसीरहेको जिल्ला प्रहरी कार्यालय पुर्वी नवलपरासीका डिएसपी बेद बहादुर पौडेलले बताउनुभयो । हप्ता दिन सम्म पनि पहिरो नहट्दा बौदीकाली र बुलिङ्गटार गाउंपालिकाका स्थानीय सदरमुकाम आउजाउ गर्नका लागि कालिगण्डकी करिडोरको बाटो प्रयोग गर्न बाध्य छन् ।
यसैगरी पुर्व पश्चिम राजमार्ग अन्र्तगत बुटवल नारायणगढ सडक खण्डको चोरमारा , दाउन्ने खण्डमा हिलो र लेदोले गर्दा माल बहाक सवारी संचालनमा कठीनाई भएको छ । प्रहरीले बैकल्पिक मार्ग प्रयोग गर्न आग्रह गरेको छ ।