पश्चिम नवलपरासीको सुस्तामा ट्याक्टर दुर्घटना हुदा १ जनाको मृत्यु भएको छ । एक जना घाइते भएका छन् ।
सुस्ता गाउँपालिका -३ बिगेट स्थित भित्री सडकखण्डमा कुडियाबाट रतनगंज तर्फ जाँदै गरेको लु ३ त २८४ नम्बरको ट्याक्टर अनियन्त्रित भएर पल्टदा सो दुर्घटना भएको हो । जिल्ला प्रहरी कार्यालयका डिएसपी रेशम बोहराका अनुसार दुर्घटनामा सुस्ता गाउँपालिका ५ का १३ बर्षका रोहित कंकरको मृत्यु भएको हो । टाउकोमा चोट लागेर गम्भीर घाइते भएका कंकरको उपचारकोक्रममा जिल्ला अस्पताल परासीमा मृत्यु भएको हो ।
दुर्घटनामा सुस्ता गाउँपालिका ४ नर्सहीका बस्ने २१ बर्षका सुकई मल्लाह घाइते भएका छन् । घाइतेको भैरहवा मेडिकल कलेजमा उपचार भैरहेको छ ।
