मिटर ब्याज तथा ठगी विरूद्ध किसान मजदुर संघर्ष समिति, नेपालले भोलि माघ १६ गते सहिद दिवसका दिन देखी मिटर ब्याज विरूद्ध न्याय मार्च गर्ने भएको छ।
गड्डा चौकी, कञ्चनपुरमा पत्रकार सम्मेलन गर्दै पीडितहरूका न्यायका निमित्त ६ बुँदे माग सहित कञ्चनपुर देखि काठमाडौं सम्म पैदल न्याय मार्च गर्न लागेको संघर्ष समितिका केन्द्रीय प्रतिनिधि अजय कार्कीले बताए ।
“नेपालको पश्चिमी सिमाना महाकाली नदी बाट सहिद भिमदत्त पन्तप्रति श्रद्धा अपर्ण तथा संकल्प सभा गरि केन्द्रीय प्रवक्ता निर्ग नविनको नेतृत्वमा कैलाली तर्फ अघि बढ्छौँ। पुर्वबाट आउने केन्द्रीय अध्यक्ष अवधेश कुश्वाहा नेतृत्वको टोलीलाई चितवनमा भेटेर काठमाडौं तर्फ लाग्छौँ । अन्तिम चरणमा थानकोटबाट बृहत् जनसहभागिता सहित राजधानीमा मार्च गर्नेछौँ । हाम्रो ६ बुँदे माग पूरा नभएसम्म निरन्तर संघर्ष गरिरहनेछौँ ।” उनले बताए ।
