परासी । पश्चिम नवलपरासीको पाल्हिनन्दन गाउँपालिका-४ लोहरौलीको एक गेस्ट हाउसबाट लागूऔषध सहित ४ जनालाई प्रहरीले पक्राउ गरेको छ ।
विशेष सुचनाका आधारमा गेरमाबाट खटिएको प्रहरीले टोलिले पाल्हिनन्दनमा रहेको नेशनल गेष्ट हाउस एण्ड खाजा घर चेकजाँचका क्रममा कोठा भित्र अबैध लागुऔषध गन्ती गरिरहेको अवस्थामा ४ जनालाई लागुऔषध सहित पक्राउ गरिएको जिल्ला प्रहरी कार्यलय पश्चिम नवलपरासीका सुचना अधिकारी रेसम बोहराले जानकारी दिए ।
होटल चेकजाँचका क्रममा पाल्हिनन्दन गाउँपालिका-३ बेलासपुरका ३० वर्षीय जमालुद्दिन,२४ वर्षीय बिक्रम सहानी र २२ बर्षिय सन्तोष गोसाई र वडा नम्बर-४ लोहरौलीका २५ बर्षिय सोनु पटेललाई पक्राउ गरेको प्रहरीले जनाएको ।
पक्राउ परेकाको साथमा २/२ एम.एल. को बुर्फिन लेखेको ५० एम्पुल, डिग्फम लेखेको ५० एम्पुल, फेरेगन लेखेको ५० एम्पुल र रेडमी नोट१० एस दुई थान मोबाइल बरामद गरेको डिएसपी बोहराले जानकारी दिए ।
पक्राउ परेकालाई लागु औषध सम्बन्धि मुद्दा लगाई अदालतबाट म्याद थप गरि अनुसन्धान भइरहेको प्रहरीले जनाएको छ ।
