देवचुली, असोज ७
शिक्षक आन्दोलनमा भाइरल भएका शिक्षक होमनाथ न्यौपानलाई विद्यालयले सम्मान गरेको छ । नवलपुरको देवचुली नगरपालिका वडा नं १५ मा रहेको जनज्योति माध्यमिक विद्यालयमा विगत ९ बर्षदेखि अध्यापन गराउँदै आउनुभएका होमनाथ न्यौपानेलाई विद्यालयले एक कार्यक्रमको आयोजना गरि सम्मान गरेको हो । शिक्षक आन्दोलनको पहिलो दिन होमनाथ न्यौपानेले लगाएको नारा मात्रै नभई उहाँले बोक्नुभएको झोला पनि भाइरल भएको थियो ।
विद्यालय व्यवस्थापन समितिका अध्यक्षले अबिर, दोसल्ला ओढाएर सम्मान गर्नुभएको थियो । सम्मान कार्यक्रममा बोल्दै न्यौपानेले आँफू यस स्थानमा आउन पनि गुरुको महत्वपूर्ण भूमिका रहेको बताउँदै गुरुको सम्मान हुनुपर्ने बताउनुभएको थियो । उहाँले भन्नुभयो – नितान्त रुपमा हामी सबैले चाहेको देश राम्रो होस् भन्ने हो । 
कोही पनि बालबालिका शिक्षाबाट बञ्चित हुन नपरोस् भन्ने हो । यो देशको शैक्षिक क्षेत्रलाई सुधार्न शिक्षकहरुको ठूलो भूमिका हुने हुँदा सबै मिलेर लाग्नुपर्ने र राज्यले पनि गुरुहरुको सम्मान गर्न आवश्यक रहेको बताउनुभयो ।
न्यौपानेले भन्नुभएकाे नारा यस्ताे थियाे
तिम्लाई कल्ले पढायो ?
हामी जस्ता गुरुले ।
मन्त्री कल्ले बनायो ?
हामी जस्ता गुरुले ।
मन्त्री कल्ले खुस्काउँछ ?
हामी जस्तो गुरुले ।
