24.1 C
Kathmandu
Saturday, July 13, 2024
Flowers in Chania

नवलपुरको मानव बस्तीमा आएको बाघको उद्धार

- Advertisement -Flowers in Chania

मध्यविन्दु भदाै २६

नवलपरासी(बर्दघाट सुस्तापूर्व)को मध्यविन्दु नगरपालिका–४ वाट सात महिनाको बाघलाई उद्धार गरिएको छ ।
तीन दिनदेखि मानबस्तीमा डुल्दै गरेकोे बाघलाई चितवन राष्ट्रिय निकुञ्जबाट आएको प्राविधिक टोलीले नियन्त्रणमा लिएर उद्धार गरेको हो । चार वटा हात्तीसहित आएको निकुञ्ज टोलीले बाघलाई बेहोस बनाउने सुई लगाएर नियन्त्रणमा लिएको चितवन राष्ट्रिय निकुञ्जका सूचना अधिकारी गणेश तिवारीले बताउनु भयो ।
“निकुञ्जको टोलिले नियन्त्रणमा लिएको बाघ छ देखि सात महिनाको पोथी बाघ हो”उहाँले भन्नु भयो “बाघको स्वास्थ्य परीक्षण गरेर कहाँ छोड्ने भन्ने निर्णय गर्छौ”
उमेर सानो भएका कारण उक्त बाघले आमासँग नरहेको अवस्थामा सिकार गर्न समेत नजान्ने भएकाले अवस्था हेरेर कहाँ छोड्ने वा पाल्ने भन्ने निर्णय पछि गरिने तिवारीले बताउनु भयो ।
मानबस्तीमा बाघ आएको जानकारीका आधारमा निकुञ्जको टोलीले निगरानी बढाइएको थियो । आमासँग छुटेको बाघ गाउँतिर आएपछि अलमलिएर जङ्गगल जान नजानेको कारण उद्धार गरिएको तिवारीले बताउनु भयो । एउटै क्षेत्रमा डुलिरहेका कारण नियन्त्रणमा लिन सजिलो भएको निकुञ्जको टोलीले जनाएको छ ।
“बाघ सामान्यतः चार वर्षको उमेरसम्म आमासँगै हिड्ने गर्दछ” सुचना अधिकारी तिवारीले भन्नु भयो ।

पशुचौपायामा जङ्गगली जनावरको आक्रमण वढ्दो
नवलपरासी(बर्दघाट सुस्तापूर्व)को मध्यविन्दु नगरपालिका–२ सितापुरमा पशुचौपायामा जङ्गगली जनावरको आक्रमण वढ्न थालेको छ ।
आइतवार र सोमवार राती एकै क्षेत्रमा पाँच वटा बाख्रा र दुई वटा गाईलाई जङ्गगली जनावरले गोठमानै आक्रमण गरि मारेको हो । आइतवार राती शिखा थनेतले पालेका पाँच वटा बाख्रा चितुवाको आक्रमणबाट मरेको मध्यविन्दु नगरपालिका–२ का वडा अध्यक्ष रामभक्त अधिकारीले बताउनुभयो । बाख्रा बाँधेर राखेको खोरभित्रै पसेर चितुवाले बाख्रामाथि आक्रमण गरेको हो ।
त्यसैगरी गएराति सोही स्थानमा बाघले दुई वटा गाई मागरेको छ । हेमकान्त चौधरीका गोठमा राती बाघले गाई मारेको वडा अध्यक्ष अधिकारीले बताउनु भयो ।
चितवन राष्ट्रिय निकुञ्जको मध्यवर्ती क्षेत्रमा वर्षेनी वन्यजन्तुको आक्रमणबाट पशुचौपाया तथा जनधनको क्षति हुने गरेको छ । त्यस क्षेत्रमा वन्यजन्तुको त्रास रहेको स्थानीयले बताएका छन् ।

- Advertisement -Your Ad Here

ताजा खबर

सम्बन्धित खबर

- Advertisement -Flowers in Chania

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्