नारायणी नदीमा डुबेर एक किशोरको मृत्यु

नारायणी नदीमा डुबेर पुर्वी नवलपरासीको देवचुली नगरपालिका १ केउरेनीमा १५ वर्षका एक किशोरको मृत्यु भएको छ । गर्मी छल्नका लागि नारायणी नदीमा पौडी खेल्न गएका स्थानीय संयोग ढकाल नदीमा डुबेर बेपत्ता भएका थिए । सोमबार बेपत्ता भएका ढकाल मृत अवस्थामा मंगलवार विहान फेला परेको जिल्ला प्रहरी कार्यालय पुर्वी नवलपरासीका सुचना अधिकारी डिएसपी संतोष पाठकले बताए । मृत अवस्थामा फेला परेका ढकाललाई पोष्ट मार्टमका लागि देवचुली नगर अस्पताल , दुम्कौलीमा राखीएको छ । जिल्लामा गर्मी बढेसंगै नारायणी नदी र खहरे खोलामा पौडी खेल्नका लागि जाने सर्वसाधारणको भिड लाग्ने गरेको छ ।