कावासोती । आईसीसीको एकदिवसीय अन्तर्राष्ट्रिय वरीयतामा नेपाली राष्ट्रिय क्रिकेट टिमका स्पिनर सन्दीप लामिछानेले छलाङ मारेका छन् ।
आईसीसीले सार्वजनिक गरेको नयाँ वरीयता अनुसार एकदिवसीयको बलिङतर्फ सन्दीप १९ औँ वरीयतामा उक्लिएका छन् । उनी यसअघि २२ औँ स्थानमा थिए । सन्दीपले बंगलादेशका मुस्ताफिजुर रहमान तथा भारतका कुलदिप यादवलाई पछि पारेका छन् ।
बलिङतर्फ दिपेन्द्र सिंह ऐरी ५५ औँ, सोमपाल कामी ६७ औँ स्थान तथा करण केसी ८९ औँ स्थानमा छन् । ब्याटिङतर्फ रोहित पौडेल ६७ औँ तथा आशिफ शेख ७४ औँ स्थानमा छन् ।
एकदिवसीय वरीयतमा भने नेपाल १४ औँ स्थानमा छ ।
