चितवन, वैशाख ४
राष्ट्रिय स्वतन्त्र पार्टीका सभापति रवि लामिछानेका चालक घरको तेस्रो तल्लाबाट खसेको सीसीटीभी फुटेज बाहिरिएको छ । सीसीटीभी फुटेजका आधारमा उँधोमुन्टो (टाउको तल र खुट्टा माथि) भएर खसेका शम्भु भनिने दिलबहादुर थापाले आत्महत्या गरेको नहुन सक्ने प्रहरीले आँकलन गरेको हो ।
त्यस्तै फुटेजमा थापा खसेलगत्तै दुई व्यक्तिहरू घटनास्थलमा देखिएका छन् । उनीहरूमध्ये एकजना सो घरमा राखिएका निजी सेक्युरिटी र अर्का प्रहरी थिए । त्यसलगत्तै तेस्रो व्यक्ति पनि त्यहाँ आउँछन् । सबैले मिलेर घाइते अवस्थामा रहेका थापालाई उठाउँछन् ।
यस्तै घटनाभएपछि प्रहरीले छतमाथि पुगेर निरीक्षण गर्दा डा. मुकुल ढकालका ड्राइभर निदाइरहेकै अवस्थामा थिए भने डा. ढकाल भने राति होटलमै सुतेको स्रोतले बतायो ।
प्रहरीका अनुसार घटना बिहान करिब साढे १ बजे भएको हो र थप अनुसन्धान भइरहेको छ ।
