देवचुली,
देवचुली नगरपालिका वडा नं ३ केउरेनीमा रहेको एक सहकारी संस्थामा गएराती चोरी भएको छ । संजीवनी बचत तथा ऋण सहकारी संस्थाबाट करिब १ लाख बराबरको सामग्री चोरी भएको संस्थाका अध्यक्ष दुपनारायण पौडेलले जानकारी दिनुभयो ।
संस्थाको दायाँ साईडमा रहेको च्यानल गेटको ताल्चा फोरेर चोर भित्र पसेको बताइएको छ । चोरले संस्थामा रहेको ६५ के.जीको सेफ (लकर), सि.सि.टिभि डिभाइस, ३ हजार ५ सय ७५ रुपैंया नगद चोरी गरेको अध्यक्ष पौडेलले हेर्नेपाटीलाई बताउनुभयो ।सहकारीमा चोरी भएको बारे बिहान अफिस टाईममा मात्रै थाहा पाएको जनाइएको छ । घटनास्थलमा ईलाका प्रहरी कार्यालय रजहरबाट भीमसेन घिमिरे सहितको टोली खटिएको थियो । घटनाको विषयमा अनुसन्धान भएको प्रहरीले जनाएको छ ।
