24.1 C
Kathmandu
Friday, June 14, 2024
Flowers in Chania

मध्यबिन्दुमा १५ शय्याको अस्पतालकाे भवन शिलान्यास

- Advertisement -Flowers in Chania

पुर्वी नवलपरासीको मध्यबिन्दु नगरपालिकामा १५ शय्याको नगर अस्पताल भवन निर्माण सुरु भएको छ । अस्पताल भवनको आज मध्यबिन्दु नगरपालिकाका नगर प्रमुख भीमलाल अधिकारीले शिलान्यास गर्नुभयो ।यसअघि मध्यबिन्दु–७ मा रहेको चोरमारा प्राथमिक स्वास्थ्य केन्द्रलाई नगर अस्पतालको रुपमा स्तरोन्नति गरिएको थियो । नगर अस्पताल सञ्चालनको लागि सुविधा सम्पन्न भवन निर्माणको लागि ठेक्का सम्झौता भई निर्माणको काम अगाडि बढेको नगरप्रमुख अधिकारीले बताउनुभयो ।

दुई वर्षभित्रमा निर्माण सम्पन्न गर्ने गरी नगरपालिकाले २०७९ कात्तिक १७ गते ठेक्का सम्झौता गरेको छ । भ्याटसमेत रु १७ करोड ५६ लाख २८ हजार एक सय ८७ लागतमा १५ शय्याको अस्पताल निर्माण सम्पन्न गर्ने गरी ठेकेदार कम्पनीसँग सम्झौता भएको नगरपालिकाका प्रमुख प्रशासकीय अधिकृत ज्ञानुप्रसाद पनेरुले बताउनुभयो ।

अस्पताल निर्माणपछि नगरपालिकासँगै अन्य पालिका तथा जिल्लाका सेवाग्राही लाभान्वित हुने प्रमुख अधिकारीले विश्वास व्यक्त गर्नुभएको छ । स्थानीय तह गठनपछि प्रत्येक वडामा स्वास्थ्य संस्था स्थापना भए पनि आवश्यक स्वास्थ्य सेवा उपलब्ध हुने बताउनुभयो ।

मध्यबिन्दु नगरपालिकाले यस अगाडि ज्येष्ठ नागरिक स्वास्थ्य कार्यक्रममार्फत प्रत्येक महिना घरमा नै पुगेर स्वास्थ्यकर्मीले स्वास्थ्य परीक्षण गर्ने व्यवस्थासमेत मिलाएको छ । नगरपालिका कार्यालय परिसरमा सुविधा सम्पन्न स्तनपान कक्ष निर्माण, नगर अस्पताल सञ्चालन कार्यविधि निर्माण तथा समिति गठनलगायतको काम यस अगाडि गरिसकेको अधिकारीले जानकारी दिनुभयो ।कावासोती, २०७९ मंसिर २३-   रासस

- Advertisement -Your Ad Here

ताजा खबर

सम्बन्धित खबर

- Advertisement -Flowers in Chania

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्