विनियोजन विधेयक पास गर्ने तयारी

हुलाकी
सरकारले सोमबार विनियोजन विधेयक पास गर्ने तयारी गरेको छ । प्रतिनिधीसभामा सोही अनुसार संसद सचिवालयले कार्यसुची तयार गरेको छ । संसद सचिवालयका महासचिव भरतराज गौतमले विनियोजन विधेयकको मन्त्रालयगत एवं सचिवालय अन्तर्गत छलफल गरेर अर्थमन्त्रीले उत्तर दिएपछि बजेट पास गर्ने तयारी भएको बताए । विभिन्न शीर्षकहरुमाथि समूहीकृत छलफल गर्ने र मन्त्रालयगत रुपमा उठेका प्रश्नहरुको जवाफ दिने समय सभामुखले तोक्ने संसद सचिवालयले जनाएको छ ।
सरकारको बहुमत भएकाले संशोधन प्रस्ताव अस्वीकृत हुने देखिन्छ । त्यसपछि अर्थमन्त्रीले विनियोजन विधेयक पारित गरियोस् भन्ने प्रस्ताव राख्नेछन् । अर्थमन्त्रीको प्रस्तावउपर दफा दफा पास गरेर विनियोजन विधेयक पारित गर्ने सरकारको तयारी छ ।