कावासोती, हुलाकी । गण्डकी प्रदेश सरकारले पत्रकारको गला निमोठ्ने गरि बिधेयक ल्याउन लागेको भन्दै बिरोध जनाएको छ l आम संचार विद्येयक पत्रकारको हितमा नभएको ठहर गर्दै नेपाल पत्रकार महासंघ नवलपुर शाखाले विरोध गरेको हो ।
नवलपुर शाखाको आज कावासोतीमा बसेको कार्यसमिति बैठकले प्रेस माथी अंकुस लगाउने विद्येयक फिर्ता लिन माग गरेको छ । प्रदेश सभाको विद्यायन समितिमा छलफलकालागि पेश भएको विद्येयकले प्रेस स्वतन्त्रता र अभिव्यक्ति स्वतन्त्रता कुन्ठित बनाउने ठहर गर्दै तत्काल विद्येयक फिर्ता लिन नवलपुर शाखाले माग गरेको हो ।
महासंघले विद्येयक फिर्ता लिन दवाव दिन जिल्ला प्रशासन कार्यालय नवलपुर मार्फत गण्डकी प्रदेश सरकारलाई ज्ञापन पत्र बुझाउने महासंघ अध्यक्ष विरेन्द्र पराजुलीले बताउनुभयो ।
