ईसीसी विश्वकप क्रिकेट लिग–२ अन्तर्गतको त्रिकोणात्मक एकदिवसीय शृंखलामा नेपालले आज अमेरिकासँग प्रतिस्पर्धा गर्दैछ। शुक्रबार नेपाल र अमेरिकासँग प्रतिस्पर्धा गर्न लागेका हुन् । खेल अल अमेरात क्रिकेट मैदानमा अपराह्न ४ः१५ बजे सुरु हुनेछ ।
यसअघि अमेरिकालाई ५ विकेटले पराजित गरेको नेपाल ओमनविरुद्ध ५ विकेटले पराजित भएको थियो । अमेरिकासमेत ओमानसँग ४ विकेटले पराजित हुन पुगेको थियो । यसअघि सोमबार भएको खेलमा ५ विकेटले नेपाल संग पराजित अमेरिका नेपालविरुद्ध बदला लिने रणनीतिमा हुनेछ । यस्तै नेपाल भने लगातार अमेरिकाविरुद्ध जित निकाल्ने दाउमा हुनेछ ।
लिग–२ मा नेपाल ६ खेलमा ६ अंक जोडेर छैठौं स्थानमा रहेको छ । अमेरिका १४ खेलमा १२ अंक जोडेर दोस्रो स्थानमा रहेको छ । ओमान १२ खेलमा २० अंक जोडेर शीर्ष स्थानमा रहेको छ ।
