27 C
Kathmandu
Thursday, July 9, 2020
2020 Jul 09, Thursday 02:06

TRENDING .

नेपाल वायुसेवा निगमलाई ५ अर्ब नोक्सानी

- Advertisement -

नेपाली ध्वाजाबाहक नेपाल वायुसेवा निगमले कोरोना भाइरस महाव्याधि (कोभिड–१९) का कारण उडान कटौती र चैत महिनायता भइरहेको लकडाउनले करिब ५ अर्ब रुपैयाँ नोक्सानीमा जाने अनुमान गरेको छ। सरकारले चैत १० गतेदेखि सुरु गरेको बाह्य तथा आन्तरिक उडान बन्द र लकडाउनका कारण कुनै पनि उडान नभएपछि चालु आर्थिक वर्षको असारसम्म करिब ५ अर्ब रुपैयाँ नोक्सानी हुने आँकलन छ।

चालु आर्थिक वर्षमा करिब १७ अर्ब रुपैयाँ आम्दानी गर्ने आंकलन भएको भए पनि कोभिड १९ का कारण सबै उडान बन्द भएपछि चालु अवधिमा निगम घाटामा जाने अध्यक्ष सुशील घिमिरेले जानकारी दिए। चालु आर्थिक वर्षको साउनबाट फागुनसम्म निगमको आम्दानी करिब १२ अर्ब रुपैयाँ रहेको छ। जेठ २ गतेसम्म उडान बन्द गरिएको र बन्द फुकुवा भए पनि नियमित उडान हुन नसक्ने र साविकको जस्तो आम्दानी पनि हुन नसक्ने अध्यक्ष घिमिरे बताउँछन्।

निगमको मुख्य आम्दानीको स्रोत व्यावसायिक उडानभन्दा पनि यात्रु तथा कार्गोको ग्राउन्ड ह्यान्डलिङ हो। त्रिभुवन अन्तर्राष्ट्रिय विमानस्थलमा हुने दैनिक करिब ६५ अन्तर्राष्ट्रिय उडान वापतको ग्राउन्ड ह्यान्डलिङ शुल्क निगमले नै लिने गर्छ। चालु आर्थिक वर्षको फागुनसम्म ग्राउन्ड ह्यान्डलिङवापत करिब २ अर्ब ८२ करोड रुपैयाँ उठेको छ। यो रकमलाई प्रत्येक महिनाको औसत हिसाब गर्दा प्रत्येक महिना करिब ३५ करोड २५ लाख रुपैयाँ आम्दानी हुन्छ। यसरी हिसाब गर्दा चैतदेखि असारसम्म १ अर्ब ७६ करोड रुपैयाँ नोक्सानी हुने देखिन्छ। निगमको अन्य आम्दानीको स्रोतमा व्यावसायिक उडान, सेयर लगानी तथा भाडा रहेको छ।

लकडाउनयता सम्पूर्ण उडान बन्दाकाबीच भएका केही चार्टर्ड उडानले निगमलाई केही राहत दिएको भए पनि अहिले आम्दानी नगन्य भएको अध्यक्ष घिमिरेले बताए। लकडाउनयता निगमले ४ वटा कार्गो र ४ वटा चार्टर्ड उडान गरेको छ। योबीचमा केही आन्तरिक रूपमा पनि चार्टर्ड उडान भएका छन्। चार्टर्ड उडान वापत निगमले प्रतिघण्टा १८ हजार डलर लिने गरेको बताइएको छ।

आम्दानीको स्रोत बन्द भएपछि निगमले खर्च व्यवस्थापनका लागि कर्मचारीको तलब कटौती र बेतलबी विदाको निर्णय गरिसकेको छ। अहिलेको समयमा संस्था टिकाइ राख्नु चुनौती भएको निगम अध्यक्षले बताए।

आर्थिक अप्ठ्यारोमा परेपछि निगमले पनि सरकारसँग आफ्ना केही माग अघि सारेको छ। जहाज खरिदका लागि करिब ३७ अर्ब रुपैयाँ ऋणको किस्ता हरेक ३ महिना तिर्नुपर्छ। तर, चैतको किस्ता तिर्न सक्ने अवस्था नभएपछि अर्थमन्त्रालयसँग ऋण सहजीकरणका लागि माग गरिएको अध्यक्ष घिमिरेले बताए। सरकारको नै संस्था भएकाले अप्ठ्यारो परेको बेलामा सरकारको भरथेग आवश्यक पर्ने उनको भनाइ छ।

यस्तै, आन्तरिक उडान थप गर्नका लागि ५ वटा जहाज किन्ने सम्बन्धमा पनि अर्थमन्त्रालयसँग छलफल भएको घिमिरेले जानकारी दिए। भएका जहाजले दुरदराजका ठाउँसम्म पुग्न नसकिने हुँदा जहाज थप गरेर व्यवसाय वृद्घिको योजना निगमको रहेको छ।

साथै निगमले आफ्ना भौतिक सम्पत्तिलाई व्यावसायिक रूपमा प्रयोग गरेर आम्दानीको स्रोत बढाउने योजनामा पनि बनाएको छ। काठमाडौंको सिनामंगलमा भएका ३५ रोपनी जग्गामा भवन बनाएर प्रधान कार्यालय सार्ने र कान्तिपथको करिब १४ रोपनी जग्गालाई व्यावसायिक भवन बनाएर भाडामा लगाउने गरी काम अघि बढाइएको छ। यस्तै काठमाडौंबाहिर रहेको निगमको सम्पत्तिलाई पनि व्यावसायिक प्रयोगमा ल्याउने गरी काम अघि बढाइएको अध्यक्ष घिमिरेले बताए। २० बैशाख २०७७

ताजा खबर

प्राकृतिक विधिबाट कसरी फोक्सोलाई तन्दुरुस्त राख्ने ?

फोक्सो किन खराब हुन्छ ? यसमा अनेक कारण छन् । खासगरी वायु प्रदूषण र धुम्रपान फोक्सो खराब गर्ने मूल कारण हुन् ।
- Advertisement -

निद्रा र सुन्दरताबीचको सम्बन्ध

राम्रो स्वास्थ पाउनका लागि सही र पौष्टिक भोजन सेवन गर्नु अति नै आवश्यक हुन्छ । यसको साथै आफ्नो दिमाग ताजा र रिल्याक्स...

पानीको वाफ : अनुहारको छाला र फोक्सोलाई फाइदा

हामीसँग कतिपय यस्ता प्राकृतिक विधी छन्, जो सौन्दर्यदेखि स्वास्थ्यसम्म लाभदायक मानिन्छ । जस्तो कि, पानीको वाफ । एकदमै सरल र छरितो विधी...

दुध चियाले निम्त्याउने स्वास्थ्य समस्या

धेरैजसो नेपालीले दिनको सुरुवात नै चियाबाट गर्छ । आफ्नै भान्सामा पाकेको तात्तातो चिया पिएपछि ज्यान तंग्रिएको महसुष गर्छन् । त्यसो त पाहुनालाई...

Related news

काग्रेस महामन्त्री कोइरालाले दिए नवलपुरका स्थानीयतहलाइ स्वास्थ्य सामाग्री

कावासोती - नेपाली कागँग्रेसका महामन्त्री एवम् नवलपुर क्षेत्र नम्बर १ का सांसद डा. शशााक कोइरालाले नवलपुरका स्थानीयतहरुलाई स्वास्थ्य सामाग्री उपलब्ध गराएका छन्...

धमाधम भारतीय सवारी नेपाल प्रवेश(भिडियो सहित)

परासी– लकडाउनको समयमा अत्यावश्यक सामान बोक्ने सवारी बाहेक अन्य सवारी संचालन हुन नपाउने भनेपनी पश्चिम नवलपरासीमा भने उद्योगको कच्चा पदार्थ लिएर...

नवलपरासी कांग्रेसले दियो १ सय पिस पीपीई

नेपाली कांग्रेस जिल्ला समिति पश्चिम नवलपरासीले जिल्लाका सबै ७ स्थानीय तहलाई पीपीई उपलब्ध गराएको छ । उपलब्ध गराइएको पीपीईको मूल्य २ लाख...

उवासंघका उपाध्यक्षले दिए घरभाडा छुट

नगरपालिकाका प्रमुख भीमबहादुर थापा –बीच) लाई १ लाख २० हजारको चेक हस्तान्तरण गर्दै उवासंघका उपाध्यक्ष एंव आरती एग्रो इण्डष्ट्रिजका सञ्चालक नगेन्द्र...

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्