नायिका वर्षा राउत अहिले लकडाउनका कारण घरमै छिन् । हुनत, लक डाउनका कारण विश्वभरका आधा जनसंख्या घर भित्रै छन् ।
घरमा रहेका कलाकारहरुले खानाका परिकार बनाएका भिडियो, तस्वीरदेखि चलचित्र हेर्दै गरेका भिडियो पनि सेयर गरिरहेका छन् । कतिपय कलाकारले जनचेतनाका लागि भिडियो पनि बनाइरहेका छन् ।
यतिबेला नायिका वर्षा राउत भने घरमै बसेर आफ्नै घरेलु काममा व्यस्त छिन् । कहिले खाना बनाउँदै गरेकी यी सुन्दरी कहिले व्यायाम गर्दै गरेको तस्वीर पोष्ट गरिरहेकी छिन ।
हालै मात्र उनले कपालको स्टाइल परिवर्तन गरेको तस्वीर पोष्ट गरेकी छिन । हुनत, केही बलिउड कलाकारले पनि खाना बनाउँदा र घरको काम गर्दा थाकेर कपालको रंग परिवर्तन गरेको भन्दै तस्वीर सामाजिक सञ्जालमा पोष्ट गरेका छन् ।
वर्षाले पनि आफूलाई नयाँ लुक्समा देखाउन खोजेकी छिन ।
