कोभिड–१९ महामारीबाट संक्रमितको संख्या ६ लाख नाघेको छ । शनिबार मध्यान्हसम्म ६ लाख २ हजार २ सय ६२ जनामा यसको संक्रमण देखिएको हो ।
कोरोना भाइरस संक्रमितमध्ये एक लाख ३३ हजार ४ सय २६ जना भने निको भइसकेका छन् । २७ हजार ८८९ जनाले ज्यान गुमाइसकेका छन् ।
चीनबाट सुरु भएको कोभिड–१९ को संक्रमण एक सय ९९ देशमा पुगेको छ । नेपालमा विदेशबाट आएका चार जनामा यसको संक्रमण देखिएको छ । उनीहरू तीन जनाको उपचार चलिरहेको छ भने एक जनाले स्वास्थ्य लाभ गरिसकेका छन् । २०७६, चैत-१५
