27 C
Kathmandu
Wednesday, March 3, 2021
2021 Mar 03, Wednesday 07:34

TRENDING .

सभ्यता निर्माणका लागि शिक्षा अपरिहार्य: पूर्व राष्ट्रपती डा. रामबरण यादव

- Advertisement -
धान्याञ्चल माहायज्ञको उद्घाटन गर्दै पूर्व राष्ट्रपति डा. यादव

मीना कडेल
कावासोती

नेपालका प्रथम राष्ट्रपती डा रामबरण यादवले सभ्यता निर्माणका लागि शिक्षा अपरिहार्य रहेको बताउनु भएको छ । शिक्षाको विकास विना कुनै पनि देशले प्रगती गर्न नसक्ने भन्दै शिक्षा नै ब्यतिmको मुलआधार रहेकोमा उहाँले जोड दिनु भयो । नवलपुरको चोरमारामा रहेको नवजागरण बहुमुखी क्याम्पसले आयोजना गरेको श्रीमद्भागवत, पितृमोक्ष एवम् धनधान्यान्चल महायज्ञको आइतबार उद्घाटन गर्दै डा.यादबले सो कुरा बताउनु भएको हो ।
त्यस्तै उहाँले संसारका जतिपनि विकसित देशहरु छन् ति सबैले शिक्षाको विकासमा जोड दिएकै कारण यो स्थानमा आईपुगेको बतानुभयो । “जुन देशका नागरिक अस्वस्थ छन्, शिक्षीत छैनन् । त्यो देश कहिल्यै अघि बढ्न सक्दैन ।” सबैले शिक्षाको विकासमा जोड दिन आबश्यक छ डा. यादवले बताउनु भयो । नेपालको आफ्नै मौलिक पहिचान र सस्कृति रहेको उल्लेख गर्दे उहाँले नेपालको संस्कृतिलाई जोगाईराख्न शिक्षा हुनैपर्नैमा जोड दिनु भयो । स्थानीय तहमा महायज्ञ गरि शिक्षाको विकासमा लागेको भन्दै आयोजकको तारिफ समेत गर्नुभयो । सबै देशवासीललाइ आग्रह गर्दे उहाँले सस्कृति र सभ्यताको संरक्षण गर्न सबै लाग्न आव्हान गर्नुभयो ।
नवजागरण बहुमुखी क्याम्पस मध्यविन्दु–७ चोरमारामा पौष २७ गते आईतवारदेखि माघ ६ गते गते सम्म सन्चालन हुने महायज्ञमा केदारनाथका पिठाधिश जगतगुरु शिवाचार्य महाराज ज्युको उपस्थिति रहने बताइएको छ ।
स्नातकोत्तर कक्षा संचालन , स्नातक तहमा स्तरीय प्राबिधिक शिक्षा, सुबिधासम्पन्न क्याम्पस संचालनार्थ आयोजित महायज्ञमा विभिन्न दुर्घटनाका कारण अल्पआयुमै मृत्युुबरण गरेका मानिसहरुको आत्मशान्तिका लागि नारायणवलि सहितको पुजा गरिने आयोजकले बताएको छ । भागवत अलङ्कार पदबिले बिभुषित पं. नेत्र प्रसाद पराजुलीको प्रमुख बाचकको रुपमा रहनु भएको छ । धन धान्याञ्चल को औपचारिक समुद्घाटन भन्दा अगाडि मध्यविन्दु नगरपालिकाकी उप प्रमुख ओम कुमारी महतोको नेतृत्वमा १०५५ कलश यात्रा निकालिएको थियो । कलशयात्रा क्याम्पस प्राङ्गणदेखि नगरपालिकाको कार्यालय हुँदै मध्यविन्दु ८ चौरङ्गिको वर परिक्रमा गरि पुनः क्याम्पस प्राङ्गणमा आएको थियो ।
महायज्ञको पहिलो दिन बोल्ने बक्ताहरुले क्याम्पसलाई यथाशक्य सहयोग गर्ने बताए । मध्यबिन्दु नगरपालिकाका मेयर चन्द्रबहादुर रानाले क्याम्पसलाई १ करोड २० लाख नगरपालिकाको तर्फबाट सहयोग गर्ने प्रतिबद्धता व्यक्त गर्नुभयो । संघीय सांसद तिलक महतले निर्वाचन क्षेत्र विकास मार्फत् २१ लाख दिने प्रतिबद्धता व्यक्त गर्नुभयो । त्यस्तै क्याम्पस संचालक समितिका अध्यक्ष तुलसीराम तिवारीले १० लाख दिने प्रतिबद्धता व्यक्त गर्नुभयो । महायज्ञमा पंण्डित नेत्र प्रसाद पराजुली प्रमुख बाचकको रुपमा रहेका छन् । महायज्ञमा २० करोड रकम सकंलन गर्ने लक्ष्य राखिएको आयोजकले जनाएको छ । २०७६ पुस २७ गते आइतबार

ताजा खबर

- Advertisement -

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्