27 C
Kathmandu
Thursday, April 15, 2021

TRENDING .

राष्ट्रिय सभामा ४५ उम्मेदवार प्रतिस्पर्धामा

- Advertisement -
- Advertisement -spot_imgspot_img

काठमाडौं, राष्ट्रियसभाको आगामी माघ ९ गते सम्पन्न हुने निर्वाचनमा विभिन्न ४५ जना उम्मेदवारले चुनावी प्रतिस्पर्धामा भाग लिने भएका छन्। राष्ट्रियसभाको एक तिहाइ पदमा हुने चुनावमा मनोनयन पत्र दर्ता गराएका ४५ जना मध्ये कसैले पनि आफ्नो नाम फिर्ता नलिए पछि प्रतिस्पर्धामा सहभागी हुने उम्मेदवारको टुंगो लागेको हो । निर्वाचन आयोगका प्रवक्ता राजकुमार श्रेष्ठका अनुसार बुधबार सातवटा प्रदेशमा उम्मेदवारी दिएका विभिन्न राजनीतिक दलका ४५ जना उम्मेदवारको नामावली प्रकाशन भएको थियो ।
प्रवक्ता श्रेष्ठले मनोनयन पत्र दर्ता गरेका कुनै पनि उम्मेदवारले आफ्नो नाम फिर्ता नलिएको बताए। आयोगले उम्मेदवारी दिएका ४५ जनाकै अन्तिम नामावली शुक्रबार प्रकाशन गरी चुनाव चिह्न प्रदान गर्ने कार्यक्रम रहेको छ । आयोगबाट चुनाव चिह्न पाए सँगै उम्मेदवारहरू चुनावी प्रचारमा लाग्ने छन्। राष्ट्रियसभाको एक तिहाइ पदमा हुने निर्वाचनमा भाग लिन आयोगमा विभिन्न ११ वटा राजनीतिक दल आयोगमा दर्ता भएका थिए । प्रत्येक दुई वर्षमा राष्ट्रिय सभाको एक तिहाइ पद रिक्त हुने व्यवस्था बमोजिम आगामी माघ २० गते देखि १८ निर्वाचित र एक मनोनित गरी १९ पद रिक्त हुँदैछ ।
उक्त पदका लागि आगामी माघ ९ गते निर्वाचन हुँदैछ । निर्वाचन आयोगका अनुसार रिक्त हुने १९ पद मध्ये एक मनोनित पद हो भने १८ पदमा सवै क्लस्टर र खुला गरि एक एक जना छन् । जस अनुसार प्रदेश १ मा महिला क्लस्टरबाट १ जना, खुलाबाट १ जना, दलित क्लस्टरबाट १ जना गरि तीन जनाको निर्वाचन हुनेछ। त्यसै गरि प्रदेश २ बाट महिला क्लस्टरबाट १ जना, अपांग अल्पसंख्यक क्लस्टरबाट १ जना, दलित क्लस्टरबाट १ जना र खुला तर्फ १ जना गरी चार जनाको निर्वाचन हुनेछ । प्रदेश ३ मा खुला तर्फ १ जना, महिला क्लस्टरबाट १ जना गरी दुई जनाको निर्वाचन हुनेछ ।
गण्डकी प्रदेशबाट महिला क्लस्टरबाट १ जना र खुला तर्फ १ गरी दुई जनाको निर्वाचन हुनेछ। प्रदेश ५ बाट महिला क्लस्टरबाट १ जना, अपांग अल्पसंख्यक क्लस्टरबाट १ जना र खुला एक जना गरि तीन जनाको निर्वाचन हुनेछ । सुदुरपश्चिम प्रदेशबाट महिला क्लस्टरबाट १ जना र खुला तर्फ १ जना गरि २ जनाको निर्वाचित हुनेछ । कर्णाली प्रदेशमा महिला १, अपांग १ गरी दुई रिक्त पदमा निर्वाचन हुँदैछ भने मनोनित तर्फ रिक्त हुने एक जना भने सरकारको सिफारिसमा राष्ट्रपतिले मनोनित गर्ने छिन् । पुस-२५, २०७६

- Advertisement -

ताजा खबर

- Advertisement -spot_img

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्