27 C
Kathmandu
Wednesday, August 4, 2021

ऊखुको भुक्तानी मांग गर्दै नवलपरासीका किसानहरु अनसनमा

- Advertisement -
- Advertisement -spot_imgspot_img

परासी,नवलपरासीका उखु उत्पादक किसानहरुले ऊखुको भुक्तानीको माग गर्दै पछिल्लो एक हप्ता देखि ईन्दिरा सुगर एण्ड एग्रो ईन्डस्ट्री प्रालिको गेटमा अनशन बसेका छन् । नवलपरासीका चिनी उद्योगहरुले गत दुई वर्ष देखि करोडौं रुपैयाँ भुक्क्तानी गर्न बाँकी रहेको अवस्थामा प्रतापपुर गाँउपालिकाको कुडिया स्थित ईन्दिरा सुगर एण्ड एग्रो ईन्डस्ट्री प्रालिको गेटमा किसानहरु पछिल्लो एक हप्ता देखि अनशन बसेका छन् ।

प्रतापपुर गाँउपालिका स्थित ईन्दिरा सुगर एण्ड एग्रो ईन्डस्ट्री प्रालिले करिब सात हजार भन्दा बढी किसानहरुको पाँच हजार देखि १५ लाख रुपियाँसम्म गरी जम्मा १४ लाख रुपैयाँ रकम तिर्न बाँकी रहेको ऊखु उत्पादक किसान संघका नवलपरासी अध्यक्ष उमेश यादवले बताए । ठुला र प्रभावशाखी किसानहरुले उद्योगीलाई दवाव सृजना गरी वा तालाबन्दी गरी केही रकम पाएको भए पनि सामान्य र गरिब किसानहरुले आफुले ऋण लिएर ऊखु खेतीमा लगानी गरेका किसाहरुले लामो समय देखि ऊखुको रकम भुक्क्तानी नपाउँदा पीडित भए पछि अनशनमा बस्न बाध्य भएको स्थानीय किसान लख्खु यादवले बताए । पछिल्लो आईतबार देखि करिब ५० जना किसानहरुले कुडिया स्थित ईन्दिरा सुगर एण्ड एग्रो ईन्डस्ट्री प्रालिको गेट बाहिर अनशन बस्दै आएका छन् । चिसो कठान्ग्रीदो जाडोमा किसानहरु ज्यानको बाजी थापेर एक हप्ता देखि अनशन बस्दा सम्बन्धित निकाय एवं प्रशासनले समेत कुनै प्रकारको सुनवाई नगरेको अनशनरत किसान धर्मेन्द्र कुशवाहले बताए ।
जिल्लामा उमेश यादवको नेतृत्वमा र दुधनाथ गुप्ताको नेतृत्वमा गरि दुई वटा ऊखु उत्पादक किसान समिति रहेको भए पनि वास्तविक किसानहरुले दुई वर्ष देखि चिनी उद्योगहरुबाट एक रुपियां पनि नपाए पछि किसानहरु पिडीत भए पछि अनशनमा बसेको स्थानिय लख्खु यादवले बताए । किसानको ऊखुको रकम भुक्तानी गर्ने भन्दै चिनी उद्योगहरुले बारम्बार समझौता गर्ने र सम्झौताको पालना नगर्ने गरेका कारण अहिले नवलपरासीका कुडिया स्थित ईन्दिरा सुगर एण्ड एग्रो ईन्डस्ट्री प्रालिले १४ करोड, सुनवल स्थित लुम्बिनी चिनी उद्योगले नौ करोड एवं सुस्ता स्थित बागमती खाँडसारी तथा चिनी उद्योगले ११ करोड गरि तीन चिनी उद्योगहरुले किसानको जम्मा ३४ करोड रुपियाँ रकम भुक्तानी गर्न बाँकी रहेको नवलपरासी ऊखु उत्पादक किसान संघका अध्यक्ष उमेश यादवले बताए । पुस-२५, २०७६

- Advertisement -

ताजा खबर

- Advertisement -spot_img

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्