27 C
Kathmandu
Tuesday, September 22, 2020
2020 Sep 22, Tuesday 12:41

TRENDING .

नमुना नवलपुरको सपनाः प्रधानमन्त्रीले शिलान्यास गरेको ९ महिना सम्म पनि शुन्य काम

- Advertisement -


कावासोती, पुस १७ –
कावासोती ३ का स्थानीय ज्यान प्रसाद बराल गत वैशाख ७ गते यति खुशी हुनुभएको की सायदै खुशी उहाँलाई अन्य क्षणले बनाएको छ । खुशी नहुने पनि कुरै भएन किनकी नयाँ जिल्ला घोषीत भएको नवलपुरासी वर्दघाट सुस्तापूर्वको सदरमुकाम रहेको कावासोती ३ मा सवै सरकारी कार्यालय एकैठाउँमा निर्माण गर्नेगरी प्रधानमन्त्री केपी शर्मा ओलीले शिलान्यास गर्नुभयो । स्थानीय भएपछि सवै सरकारी सेवा एकै ठाउँका कार्यालयबाट पाउने भएकाले एउटा खुशी थियो भने त्यो भन्दा धेरै खुशी उहाँकै घर अगाडी ती कार्यालय निर्माण गर्ने गरी शिलान्यास भएको थियो । सानो व्यवसाय गर्दै आउनुभएका वराल अहिले भने निराश हुनुहुन्छ । किनकी प्रधानमन्त्रीले शिलान्यास गरेको ठाउँमा नयाँ कुनै निर्माणको कार्य चलेको छ न केही तयारी । मात्रै त्यहि स्तम्भ छ जुन प्रधानमन्त्रीले शिलान्यास गर्न वनाइएको थियो । वराल भन्नुहुन्छ, “पालो पालो कुन कुन मन्त्री आउँछन् । हेर्छन् र जान्छन् । त्यो वाहेक कुनै काम भएको छैन । प्रधानमन्त्रीले शिलान्यास गरेको ठाउँमा त यस्तो अवस्था छ ।” उहाँलाई मात्रै होइन पद्मादेवी वराललाई पनि उस्तै चिन्ता छ । झन् छिट्टै सरकारी कार्यालय निर्माण होला र सहजै सेवा लिन पाइएला भन्ने थियो तर अहिले सम्म सिन्को भाचिएको छैन । भन्नुहुन्छ,“छिटो कार्यालय निर्माण भए त जनताको करले तिर्नुपर्ने घरभाडा त जोगिन्छ ।”
विना तयारी हतारमा प्रधानमन्त्री केपी शर्मा ओलीलाई नमुना जिल्ला वनाउने गरी नवलपरासी वर्दघाट सुस्तापूर्व कावासोती ३ मा शिलान्यास गराइएपनि ८ महिना वित्दासमेत काम शुन्य छ । गत वैशाख ७ गते भव्य समारोहका वीच प्रधानमन्त्री ओलीले नवलपुरलाई चिनाइरहनु नपर्ने र यसको आफ्नै पहिचान भएका कारण पनि नमुना वनाउने बताउनुभयो । तर नमुना के रहेछ जवकी अहिले सम्म डिपिआर सम्म वन्न सकेको छैन ।
यसैपनि पछिल्लो समय २०७४ को असोज २९ गते बसेको मन्त्रिपरिषद बैठकले ७७ औँ जिल्लाको रुपमा नवलपरासी वर्दघाट सुस्ता पूर्वलाई घोषणा गरेको थियो । कावासोती ३ मा रहेको १८४ विघा क्षेत्रफलमा सवै सरकारी कार्यालय एकै ठाउँमा निर्माण गर्नेगरी काम गर्ने योजना थियो । तर शिलान्यास भएको यतिका महिना हुँदासम्म अन्तिम डिपिआर नआएको हो । जनतालाई सहज सेवा प्रवाहका लागि भाडामा कार्यालय भएपछि सदरमुकाम कावासोतीमा सरकारी कार्यालय निर्माण गर्ने योजना अघि बढाएपनि त्यसले पूर्णता पाउन सकिरहेको छैन । एकीकृत सरकारी कार्यालय निर्माण गर्ने योजनाका साथ अघि वढेपनि ९ महिना हुँदासम्म एकीकृत सरकारी कार्यालयको गुरुयोजना समेत नवनेको जिल्ला समन्वय समिति नवलपुरका प्रमुख चेसराम आलेले बताउनुभयो । “हामीले पटक पटक प्रदेश सरकारलाई भनिरहेका छौँ तर डिपीआर र गुरुयोजना निर्माणको काम भइरहेको छ भन्ने मात्रै सूचना आएको छ” आलेले भन्नुभयो । निर्माणको कार्य ढिलाई भएकोमा आफूलाई दुख लागेको तर डिपिआर नआउँदासम्म काम अघि नवढेको बताउनुभयो । हामीलाई आफ्नै तरिकाले भवन निर्माणको जिम्मा दिनुहोस् भनेपनि एकीकृत भएकाले त्यसो गर्न नमिल्ने बताएपछि झनै ढिलाई भएको उहाँको भनाई छ । फुटवल खेल्ने, घाम ताप्न र सवारी चलाउन सिकाउने चौर वनिरहेको उक्त क्षेत्रको गुरुयोजना वनेको छैन । प्रमुख जिल्ला अधिकारी विष्णु कुमार कार्कीले पनि गुरुयोजनाकै पर्खाइमा रहेको र सोको विवरण नआउँदासम्म केही गर्न नसकिएको बताउनुभयो । आफूले गुरुयोजना निर्माणको जिम्मा लिनुभएको व्यक्तिसँग निरन्रतर सम्पर्कमा रहेपनि अन्तिम रुप नपाएको मात्रै खवर आएको बताउनुभयो । अवको एक महिनामा गुरुयोजना आउने गण्डकी प्रदेश भौतिक पूर्वाधार विकास मन्त्रालयका सचिव ईश्वर मरहठ्ठाले बताउनुभयो । गुरुयोजना र डिपीआर निर्माणको जिम्मा लिनुभएका उहाँले पहिलो खाकाको शहरी विकासमा प्रदर्शनी भइसकेको र त्यहाँ बाट आएको सुझावलाई समेटिएको गुरुयोजना एक महिना भित्र आउने र प्रदेशमा छलफल भएपछि जिल्लामा आएर अन्तिम रुप दिने बताउनुयो । प्रदेश सरकार मातहतका सरकारी कार्यालय निर्माणमा यो आर्थिक वर्ष ५ करोड बजेट छुट्टाइएपनि केन्द्र सरकारबाट ५० लाख मात्रै बजेट आएको उहाँले बताउनुभयो । एकीकृत सरकारी कार्यालय निर्माणसँगै नमुना सदरमुकाम निर्माण गर्ने अन्य अभियान अलपत्र परेको छ ।
प्रदेश सरकार, जिल्लाका कार्यालय र केन्द्र सरकारवीच समयमै समवन्व नहूँदा ढिलाई भएको बताउनुभयो । केन्द्रबाट बजेट आएर काम भइरहेको होला भन्नेमा प्रदेश रहेको तर पछि जिल्लामा आइ छलफल गर्दा ५० लाख मात्रै बजेट दिएको सुनेपछि वल्ला आफूहरु सक्रिय भएर लागेको बताउनुभयो । यता गण्डकी प्रदेशको आर्थिक मामिला तथा योजना मन्त्रालयका मन्त्री किरण गुरुङले डिपिआरकै पर्खाइमा रहेको र त्यस अघि केही गर्न नसकिएको बताउनुभयो । गुरुयोजना, डिपिआर नवन्दै हतारोमा प्रधानमन्त्रीलाई शिलान्यास गराउँदा जनताको गुनासो बढिरहेको छ । अहिले जिल्ला प्रहरी कार्यालय, मालपोत,नापी, डिभिजन वन कार्यालय मात्रै आफ्नै भवनमा रहेका छन् । अरु सवै भाडामा संचालन भइरहेका छन् ।

ताजा खबर

प्राकृतिक विधिबाट कसरी फोक्सोलाई तन्दुरुस्त राख्ने ?

फोक्सो किन खराब हुन्छ ? यसमा अनेक कारण छन् । खासगरी वायु प्रदूषण र धुम्रपान फोक्सो खराब गर्ने मूल कारण हुन् ।
- Advertisement -

निद्रा र सुन्दरताबीचको सम्बन्ध

राम्रो स्वास्थ पाउनका लागि सही र पौष्टिक भोजन सेवन गर्नु अति नै आवश्यक हुन्छ । यसको साथै आफ्नो दिमाग ताजा र रिल्याक्स...

पानीको वाफ : अनुहारको छाला र फोक्सोलाई फाइदा

हामीसँग कतिपय यस्ता प्राकृतिक विधी छन्, जो सौन्दर्यदेखि स्वास्थ्यसम्म लाभदायक मानिन्छ । जस्तो कि, पानीको वाफ । एकदमै सरल र छरितो विधी...

दुध चियाले निम्त्याउने स्वास्थ्य समस्या

धेरैजसो नेपालीले दिनको सुरुवात नै चियाबाट गर्छ । आफ्नै भान्सामा पाकेको तात्तातो चिया पिएपछि ज्यान तंग्रिएको महसुष गर्छन् । त्यसो त पाहुनालाई...

Related news

एकैदिन २८८ कोरोना संक्रमित थपिए, संक्रमितको संख्या २००० नाघ्यो

२० जेठ, काठमाडौं । पछिल्लो २४ घण्टामा थप २८८ जनामा कोरोना भाइरस (कोभिड–१९) को संक्रमण पुष्टि भएको छ । यससँगै नेपालमा कुल...

वीरगञ्जमा थपिएका १७ जना संक्रमित एकै परिवारका सदस्य

१७ जना संक्रमित एकै परिवारका सदस्य भएको पाइएको छ । वीरगञ्ज महानगरपालिका–३ छपकैयास्थित त्यही परिवारका ३६ वर्षीय पुरुषलाई आइतबार...

एसईई परीक्षा जेठ अन्तिममा गर्न सिफारिस

१८ वैशाख, काठमाडौं । राष्ट्रिय परीक्षा बोर्डका अध्यक्ष प्रा. डा. चन्द्रमणि पौडेलको नेतृत्वको कार्यदलले माध्यमिक शिक्षा परीक्षा (एसईई) जेठ अन्तिम साता गर्न...

नेपालगञ्जमा कोरोना संक्रमितको संख्या २५ पुग्यो, आज मात्रै २४ जना थपिए

नेपालगञ्जमा २५ जनामा कोरोना संक्रमण भएको पुष्टि भएको छ। यो सहित नेपालगञ्जमा संक्रमितको संख्या २५ पुगेको छ। आइतबार मात्र नेपालगञ्जमा २४ जनामा कोरोना संक्रमण भएको पुष्टि

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्