27 C
Kathmandu
Saturday, May 8, 2021

मोदीको नेपाल भ्रमण सफल र ऐतिहासिक: सरकार, दुईदिने राजकिय भ्रमण सकेर मोदी स्वदेश फर्किए

- Advertisement -
- Advertisement -spot_imgspot_img

सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुईदिने राजकिय भ्रमण सकेर सनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै परराष्ट्रमन्त्री प्रदिप ज्ञवालीले भ्रमण धेरै दृष्टिले ऐतिहासिक र सम्झनलायक रहेको बताए ।
उनले भने, ‘नेपाल भारतबीचमा रहँदै आएको सम्वन्ध यो भ्रमणपछि अझ सुदृढ बन्ने नेपाल सरकारको विश्वास छ ।’ उनका अनुसार विगतमा भएका दुईपक्षीय समझदारीहरुको कार्यान्वयनको समय सीमा तोकिएको छ । आगामी सेप्टेम्बरसम्म नेपालले उठाएका विषयहरु प्रभावकारी रुपमा कार्यान्वयन गर्ने समझादारी भएको परराष्ट्रमन्त्री ज्ञवालीले जानकारी दिए ।

उनले भने, हामीले पहिल्याएका सहयोगका नयाँ क्षेत्रहरु रेलवे, जलमार्ग र कृषिमा साझेदारीमा ठोस प्रगति हुने गरी निर्णय गरेका छौं ।’ शुक्रबार नेपालको दुईदिने राजकिय भ्रमणमा आएका भारतीय प्रधानमन्त्री मोदीलाई परराष्ट्रमन्त्री ज्ञवालीले काठमाण्डौ विमानस्थल स्वागत र विदाई गरेका थिए । जनकपुरमा भने रक्षामन्त्री ईश्वर पोख्रेलले स्वागत गरेका थिए । २०७५ वैशाख २९

- Advertisement -

ताजा खबर

- Advertisement -spot_img

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्