चौरासी पूजामा सहभागीलाई अनियन्त्रित मोटरसाइकलले अन्धाधुन्ध ठक्कर दिँदा नवलपरासी पुर्व नवाल्पुरमा १ जनाको ज्यान गएको छ भने ९ जना घाइते भएका छन् ।
नवालापुरको मध्यविन्दु–१, चिसापानीमा ना १६ प ९९९ नम्बरको मोटरसाइकलले ठक्कर दिँदा मध्यविन्दु–१ गुडचरी निवासी ७० वर्षीय कमल काफ्लेको निधन भएको जिल्ला प्रहरी नवलपुरले जनाएको छ ।
पृथबहादुर केसीको चौरासी पूजा सकेर नजिकैको दुर्गा मन्दिर परिक्रमा गराउने क्रममा बोहराले चलाएको मोटरसाइकलले सहभागीलाई सोहोर्दै घाइते बनाएको हो ।
घाइतेमध्ये २ जनाको अवस्था अझै गम्भीर रहेको जिल्ला प्रहरी कार्यालय, नवलपुरले जनाएको छ । उनीहरुको अहिले विभिन्न अस्पतालमा उपचार भइरहेको छ ।
चालक बोहोरा भने सामान्य घाइते भएका छन् । प्रहरीले उनलाई नियन्त्रणमा लिएर अनुसन्धान भइरहेको जनाएको छ । वैशाख-१८,२०७५
