27 C
Kathmandu
Sunday, April 18, 2021

TRENDING .

खोलाको ठेक्कामा दादागिरी : गाउँपालिका कार्यालयमा तोडफोड, ठेक्का रद्ध

- Advertisement -
- Advertisement -spot_imgspot_img

नदीजन्य पदार्थको ठेक्काको विषयलाई लिएर पुर्वी नवलपरासीको बिनयी त्रिवेणी गाउंपालिकामा तोडफोड भएको छ । बिनयी खोलाको गिटी बालुवा उठाउन खोलेको टेण्डर आफुहरु एक्लैले लिन नपाएको भन्दै स्थानीय युवाहरुले गाउँपालिकाको कार्यालय तोडफोड गरेका हुन् । उनीहरुले कार्यालयको सिसा तोडफोड गरेका हुन् । तनावका विच टेण्डर सदर नगर्ने भन्दै गाउंपालिकाले खोलाको टेण्डर नै रद्ध गरेको छ । गाउंपालिकाका अध्यक्ष डम्बर बहादुर जिसीले ठेक्काको विषयमा विवाद बढेकाले तत्काललाई ठेक्का रद्ध गरेर पुनः ठेक्का आवहान गर्ने बताउनुभयो । ‘ ठुलो जमातमा युवाहरुको समुह आएर हिरोज कर्पोरेसन नामक कम्पनीको टेण्डर परेकोमा कागजपत्र लुटेका थिए ।

शुक्रवार कार्यालय खोल्नासाथ स्थानीयले ढुंगामुढा हानेर ३ वटा झ्यालको सिसा फुटाएका थिए । गाउँपालिकाले गत मंसिर १९ गते एक सूचना प्रकाशित गरेर बिनयी खोलाको बिभिन्न ६ खण्डलाई बिभाजन गरेर टेण्डर आब्हान गरेको थियो । सबै गरेर एक करोड ५० लाखमा बढाबढ हुने गरि आब्हान गरिएको टेण्डर फर्म १२२ वटा बिक्री भएको थियो ।

टेण्डर बुझाउने म्याद माघ १९ गते दिउसो १२ बजेसम्मको समय तोकिएको थियो । गाउँपालिकाले खोलेको टेण्डर चितवन भरतपुरका मुसे भनिने बचन कार्कीले बिहीवार नै बुझाएका थिए । जिल्ला बाहिरको व्यक्तीले टेण्डर हालेको र आफुहरुले एक्लौटी गर्न नपाएको भन्दै स्थानीयले कार्यालय तोडफोड गरेका हुन् । गाउँपालिकाका अध्यक्ष डम्बर बहादुर जिसिले कानून हातमा लिन खोज्ने कार्य दुर्भाग्यपुर्ण भएको बताए । उनले गाउँपालिकाले आब्हान गरेको टेण्डर बढाबढ मुल्यमा हाल्न पाउनु सबैको अधिकार भएको प्रतिकृया दिए । स्थानीयले आफुहरुको मुल्यमा नपाएको भन्दै हुलहुज्जत गरेका हुन् ।

नारा जुलुश गर्दै पुगेको स्थानीयहरुको एक समुहले दादागिरी देखाएर कार्यालय तोडफोड गरेको हो । बिनयी त्रिवेणी गाउँपालिकाका स्थानीय केहि युवाले मिलोमतोमा टेण्डर हाल्न नपाएको भन्दै तोडफोड गरेको र दोषिको खोजिकार्य जारी रहेको प्रहरी निरीक्षक राजिव श्रेष्ठले बताउनुभयो । कार्यालय तोडफोड गर्नेको पहिचान भइसकेको जानकारी दिंदै उनले चाडो पक्राउ पर्ने दावी गरे । तोडफोड भएपछि गाउँपालिकाको आकस्मिक बैठक बसेर ठेक्का रद्ध गरेको हो ।

जिल्लामा दादागिरी देखाएर सिमित व्यक्तीले आफनो मुल्यमा टेण्डर पार्ने प्रबृति हाबि भएपनि प्रशासन भने मौन बस्दै आएको स्थानीयको आरोप छ । माघ-२०, २०७४

- Advertisement -

ताजा खबर

- Advertisement -spot_img

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्