मोफसलमानै सर्वाधिक धनराशिको पुरस्कार रहेको भनिएको राइनो संरक्षण गोल्डकप फुटबल प्रतियोगिता नवलपरासीमा आजदेखि शुरु हुँदैछ । गैँडा संरक्षणका लागि हुँदै आइरहेको राइनो संरक्षण गोल्डकप फुटबल प्रतियोगिता यस वर्ष पनि नवलपरासीको कोल्हुवामा गर्न लागिएको हो । आयोजक टिमसहित देशभरका ए डिभिजनका ११ सहित १२ टिमको सहभागिता रहने छ । प्रतियोगिता कात्तिक २५ गतेसम्म संचालन हुनेछ ।
नन्दभाउजु उपभोक्ता समितिको आयोजनामा हुने उक्त प्रतियोगितामा प्रथम हुनेले रु पाँच लाख २५ हजार ५५५ र द्वितीय हुनेले रु दुई लाख ५० हजार ५५५ पुरस्कार राशि पाउनेछन् ।
खेलकुद विकास र जैविक विविधताको संरक्षण गर्ने उदेश्यले आयोजना गरिएको सो प्रतियोगिताबाट देश विदेशमा गैँडा संरक्षणको सन्देश दिन लागिएको र प्रतियोगिताका लागि सबै तयारी पूरा भएको आयोजक नन्दभाउजु उपभोक्ता समितिका अध्यक्ष दोमनबहादुर भण्डारीले जानकारी दिनुभयो । कार्तिक-१३, २०७४