नवलपरासीको पाल्हिनन्दन गाउपालिकामा करेन्ट लागेर एक जना बालिकाको मृत्यु भएको छ । सोमवार कुखुराको फर्ममा खेल्ने क्रममा फर्मको लागि लगिएको नाङ्गो तारमा छोईदा करेन्टर लागेर पाल्हिनन्दन ३ कुश्मा निवासी रामबचन हरिजनकी १२ बर्षकी छोरी जमुना हरिजनको मृत्यु भएको प्रहरीले जनाएको छ । करेन्ट लागेर घाईते भएकी जमुनाको उपचारको क्रममा पृथ्वि चन्द्र अस्पताल परासीमा ज्यान गएको प्रहरीको भनाइ छ ।
यता सरावल गाउपालिका ७ गणेशपुरमा रुखबाट लडेर एक जनाको ज्यान गएको छ । गणेशपुर ७ निवासी बर्ष २८ का चांद हुसेनको ज्यान गएको प्रहरीले जनाएको छ । घास काटन रुखमा चढदा लडेका उनको घटना स्थलमा नै मृत्यु भएको प्रहरीले जनाएको छ ।साउन-१६, २०७४
