27 C
Kathmandu
Wednesday, September 23, 2020
2020 Sep 23, Wednesday 03:10

TRENDING .

मध्यरातमा ओछ्यानबाटै हराए डेढ वर्षीय बालक

- Advertisement -

धादिङ  – धादिङको बेनिघाटरोराङ गाउँपालिका ३ बागुराङका डेढ वर्षीय बालक गएराती सुतिरहेको ठाउँबाटै हराएका छन् ।

भूकम्पले घर भत्किएपछि अस्थाइ टहरामा आमाबुबासँगै सुतेका डेढ वर्षका बालक बुद्धिलाल चेपाङ राती करिब २ बजे ओछ्यानबाटै गायब भएका हुन् । छानोमा खर र त्रिपालले ढाकेर भित्तामा घोचेबारले बेरेको टहरामा सुतेका बालक मध्यरातमा हराएपछि परिवारमा रुवाबासी चलेको छ ।

बालक बुद्धिलाल सोमबहादुर चेपाङ र मनमायाँ चेपाङको कान्छो छोरा हुन् । जेठो छोरा ३ वर्षको छ । डेढ वर्ष र ३ वर्षका २ छोरा र उनका आमाबुबासँगै सुतेका थिए । सबैजना निन्द्रामा भएको बेला डेढ वर्षको छोरा मात्रै हराएको बालकका बुबा सोमबहादुरले बताए ।

‘टहराको ढोका छेउमा आफू सुतेर श्रीमती र छोरालार्इ कुनापट्टी सुताएको थिएँ’, सोमबहादुरले भने, ‘राती २ बजे बिउझिँदा मसँगै सुतेको जेठो छोरा संगै थियो, सानो छोरा ओछ्यानमा थिएन ।’ आफ्नै काखमा सुताएको छोरा हराएपछि आमा मनमायाँ अचेत जस्तै बनेकी छन् ।

बच्चा राम्रोसँग हिडडुल गर्न समेत नसक्ने भएकोले आमाबुबा निन्द्रामा भएको बेला बच्चा चोरी भएको हुन सक्ने अनुमान गाउँलेहरूले लगाएका छन् । ‘राती उठेर कतै गयो भनौं भने सानै छ हिड्न सक्दैन, जिवजन्तुले लग्यो भनौं भने बुबा चाँही ढोकामै सुतेको भन्छ ।’ स्थानीय शिक्षक तुलसीजङ्ग थापाले भने ‘बच्चा कसैले चोरेरै लगेको हुनसक्छ ।’

चेपाङ बालक मध्यरातमा हराएपछि रातीदेखि नै गाउँलेहरुले खोजी गरिरहेका छन् । ओल्लोगाउँ पल्लोगाउँसम्म खोजी गर्दा पनि बच्चा नभेटिएपछि गाउँले सबै त्रसित बनेका छन् । घटनाकाे अनुसन्धान गर्न प्रहरी चौकी ताल्तीबाट प्रहरीको टोली गाउँ पुगेको छ । घटनाको अनुसन्धान भइरहेको इलाका प्रहरी कार्यालय गजुरीका प्रहरी निरीक्षक बरुणबहादुर सिंहले बताए ।

बागुराङ गाउँ पुग्न पृथ्वी राजमार्ग अन्तर्गत मलेखुबाट डेढ घण्टाको सवारी यात्रा र करिब ३ घण्टाको पैदल हिड्नुपर्छ । गरिब र न्यून आय भएका दुर्गमको चेपाङ समुदायबाट मध्यरातमा बच्चा हराएपछि वरपरका गाउँलेहरू समेत त्रसित बनेका छन् । स्थानीयहरुले  हराएको बच्चाको खोजी गरिदिन वरपर गाउँका अग्रजहरुसँग पनि आग्रह गरेका छन् ।   बैशाख-५, २०७३

ताजा खबर

प्राकृतिक विधिबाट कसरी फोक्सोलाई तन्दुरुस्त राख्ने ?

फोक्सो किन खराब हुन्छ ? यसमा अनेक कारण छन् । खासगरी वायु प्रदूषण र धुम्रपान फोक्सो खराब गर्ने मूल कारण हुन् ।
- Advertisement -

निद्रा र सुन्दरताबीचको सम्बन्ध

राम्रो स्वास्थ पाउनका लागि सही र पौष्टिक भोजन सेवन गर्नु अति नै आवश्यक हुन्छ । यसको साथै आफ्नो दिमाग ताजा र रिल्याक्स...

पानीको वाफ : अनुहारको छाला र फोक्सोलाई फाइदा

हामीसँग कतिपय यस्ता प्राकृतिक विधी छन्, जो सौन्दर्यदेखि स्वास्थ्यसम्म लाभदायक मानिन्छ । जस्तो कि, पानीको वाफ । एकदमै सरल र छरितो विधी...

दुध चियाले निम्त्याउने स्वास्थ्य समस्या

धेरैजसो नेपालीले दिनको सुरुवात नै चियाबाट गर्छ । आफ्नै भान्सामा पाकेको तात्तातो चिया पिएपछि ज्यान तंग्रिएको महसुष गर्छन् । त्यसो त पाहुनालाई...

Related news

प्राकृतिक विधिबाट कसरी फोक्सोलाई तन्दुरुस्त राख्ने ?

फोक्सो किन खराब हुन्छ ? यसमा अनेक कारण छन् । खासगरी वायु प्रदूषण र धुम्रपान फोक्सो खराब गर्ने मूल कारण हुन् ।

निद्रा र सुन्दरताबीचको सम्बन्ध

राम्रो स्वास्थ पाउनका लागि सही र पौष्टिक भोजन सेवन गर्नु अति नै आवश्यक हुन्छ । यसको साथै आफ्नो दिमाग ताजा र रिल्याक्स...

पानीको वाफ : अनुहारको छाला र फोक्सोलाई फाइदा

हामीसँग कतिपय यस्ता प्राकृतिक विधी छन्, जो सौन्दर्यदेखि स्वास्थ्यसम्म लाभदायक मानिन्छ । जस्तो कि, पानीको वाफ । एकदमै सरल र छरितो विधी...

दुध चियाले निम्त्याउने स्वास्थ्य समस्या

धेरैजसो नेपालीले दिनको सुरुवात नै चियाबाट गर्छ । आफ्नै भान्सामा पाकेको तात्तातो चिया पिएपछि ज्यान तंग्रिएको महसुष गर्छन् । त्यसो त पाहुनालाई...

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्