27 C
Kathmandu
Sunday, September 20, 2020
2020 Sep 20, Sunday 08:42

TRENDING .

एमालेको विवाद उत्कर्षमा, नेपाल पक्षको समानान्तर भेला, बिधीको आन्दोलनमा हाम्रो समर्थन हुन्छ: झललनाथ, माधव र योगेश

- Advertisement -

चैत-२७,काठमाडौं । स्थानीय तहको चुनावको मुखमा काठमाडौं एमालेको विवाद बढ्दै जाँदा आइतवार माधव नेपाल पक्षले समानान्तर भेलाको आयोजना गरेको छ ।

संस्थापन पक्षले प्रदेश कमिटीको निर्णय समेत नमानेपछि समानान्तर कमिटी गठन गर्न आयोजित भेला शीर्ष नेतृत्वको आग्रहपछि चुनावी भेलामा परिणत भएको स्रोतले जनाएको छ ।

नयाँबजारस्थित नेपा बैंक्वेटमा करीव ५ सय अगुवा कार्यकर्ताको सहभागितामा भएको समानान्तर भेलामा बरिष्ठ नेताहरु झलनाथ खनाल, माधव नेपाल र पार्टी सचिव योगेश भट्टराई लगायतले सम्बोधन गरेका थिए ।

काठमाडौं जिल्ला सहइन्चार्ज सुरेन्द्र मानन्धरले अध्यक्षता गरेको भेलामा बरिष्ठ नेता खनाल र नेपालले माथिल्लो कमिटीको निर्णयलाई समेत चुनौति दिनेहरुमाथि कारवाही हुने बताए । उनीहरुले बिधिसम्मत पार्टी सन्चालन गर्नुपर्ने भन्दै समानान्तर भेला आयोजना गर्नुपर्ने परिस्थिति किन निम्तियो भन्ने समीक्षा हुने बताए ।

नेताहरुले चाँडै पार्टीको स्थायी कमिटीले यो विषय हल गर्ने भन्दै बिधिको लडाईमा आफूहरुले साथ दिने बताए ।

सचिव योगेश भट्टराईंले नवौं महाधिवेशनको म्याण्डेट अब उल्टिसकेको बताए । उनले आफ्नो एकलौटी जिल्ला कमिटी भएको ठाउँमा एकलौटी ढंगले उम्मेदवार सिफारिस भएमा चितवनमा ओली पक्षको कसैलाई पनि सिफारिस नगर्ने चेतावनी दिए ।

आइतवारको भेलामा नवगठित कमिटीले सपथग्रहण गर्ने कार्यक्रम राखिएको भए पनि शीर्ष नेताहरुले पर्खिन आग्रह गरेकाले भेला चुनावमा एमालेलाई जिताउने विषयमा केन्दि्रत भएको प्रस्तावित सहसंयोजक बसन्त मानन्धरले बताए ।

मानन्धरले अनलाइनखबरसँग भने- ‘कार्यवाहक अध्यक्ष बामदेव गौतम, उपाध्यक्ष भीम रावल, महासचिव इश्वर पोखरेल लगायतको आग्रहमा हामीले सपथग्रहणको कार्यक्रम परिवर्तन गरेर चुनावी भेला गरेका हौं । नेताहरुले सकारात्मक ढंगले काठमाडौंको समस्या समाधान गर्ने आश्वासन दिनुभएको छ ।’

एमालेको काठमाडौं जिल्ला कमिटीमा ७ वर्षदेखि अधिवेशन हुन सकेको छैन । हालैमात्र ३ नम्बर प्रदेश कमिटीले कृष्ण राई संयोजक, बसन्त मानन्धर सहसंयोजक र विद्यासुन्दर शाक्य सचिव रहेको कमिटी गठन गरेको थियो । तर राई पक्षले सो निर्णय अश्वीकार गरेर अलग्गै भेला गरेपछि नेपाल पक्षले पनि समानान्तर भेला आयोजना गरेको हो ।

सोमवार स्थायी कमिटी बैठकमा नेपाल पक्षले यो विषय उठाउनेछ । स्थायी कमिटीले समाधान नगरे समानान्तर कमिटी बन्ने सम्भावना छ । चुनावको बेला कार्यकर्तालाई बिभाजित हुन नदिन नेतृत्व सचेत हुनुपर्ने मानन्धरले बताए ।

ताजा खबर

प्राकृतिक विधिबाट कसरी फोक्सोलाई तन्दुरुस्त राख्ने ?

फोक्सो किन खराब हुन्छ ? यसमा अनेक कारण छन् । खासगरी वायु प्रदूषण र धुम्रपान फोक्सो खराब गर्ने मूल कारण हुन् ।
- Advertisement -

निद्रा र सुन्दरताबीचको सम्बन्ध

राम्रो स्वास्थ पाउनका लागि सही र पौष्टिक भोजन सेवन गर्नु अति नै आवश्यक हुन्छ । यसको साथै आफ्नो दिमाग ताजा र रिल्याक्स...

पानीको वाफ : अनुहारको छाला र फोक्सोलाई फाइदा

हामीसँग कतिपय यस्ता प्राकृतिक विधी छन्, जो सौन्दर्यदेखि स्वास्थ्यसम्म लाभदायक मानिन्छ । जस्तो कि, पानीको वाफ । एकदमै सरल र छरितो विधी...

दुध चियाले निम्त्याउने स्वास्थ्य समस्या

धेरैजसो नेपालीले दिनको सुरुवात नै चियाबाट गर्छ । आफ्नै भान्सामा पाकेको तात्तातो चिया पिएपछि ज्यान तंग्रिएको महसुष गर्छन् । त्यसो त पाहुनालाई...

Related news

प्राकृतिक विधिबाट कसरी फोक्सोलाई तन्दुरुस्त राख्ने ?

फोक्सो किन खराब हुन्छ ? यसमा अनेक कारण छन् । खासगरी वायु प्रदूषण र धुम्रपान फोक्सो खराब गर्ने मूल कारण हुन् ।

निद्रा र सुन्दरताबीचको सम्बन्ध

राम्रो स्वास्थ पाउनका लागि सही र पौष्टिक भोजन सेवन गर्नु अति नै आवश्यक हुन्छ । यसको साथै आफ्नो दिमाग ताजा र रिल्याक्स...

पानीको वाफ : अनुहारको छाला र फोक्सोलाई फाइदा

हामीसँग कतिपय यस्ता प्राकृतिक विधी छन्, जो सौन्दर्यदेखि स्वास्थ्यसम्म लाभदायक मानिन्छ । जस्तो कि, पानीको वाफ । एकदमै सरल र छरितो विधी...

दुध चियाले निम्त्याउने स्वास्थ्य समस्या

धेरैजसो नेपालीले दिनको सुरुवात नै चियाबाट गर्छ । आफ्नै भान्सामा पाकेको तात्तातो चिया पिएपछि ज्यान तंग्रिएको महसुष गर्छन् । त्यसो त पाहुनालाई...

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्