27 C
Kathmandu
Tuesday, September 22, 2020
2020 Sep 22, Tuesday 12:28

TRENDING .

पूर्वआईजीपीका नाति पनि म्यादी प्रहरीमा

- Advertisement -

चैत्र-२१, ३१ वैशाखमा हुन गइरहेको स्थानीय तह निर्वाचनका लागि म्यादी प्रहरी छनोट कार्य अहिले तीव्र रूपमा भइरहेको छ। ७५ हजार जनशक्तिका लागि १ लाख ७० हजारभन्दा बढीको आवेदन परेको छ। म्यादी प्रहरी भर्नाका लागि देशभर आकर्षण रहेको उल्लिखित तथ्यांकबाट पनि पुष्टि हुन्छ।

म्यादी प्रहरीका लागि आर्थिक रूपमा कमजोर रहेका, बेरोजगार युवा शक्तिलगायतको आवेदन परेको हामी अनुमान गर्न सक्छौं। तर, म्यादी प्रहरीका लागि आवेदन हालेका एक युवाको पहुँच, आर्थिक स्थिति, सम्पन्नता हेर्ने हो भने हाम्रो अनुमान गलत पनि हुन सक्छ।

हो, म्यादी प्रहरीका लागि एकजना यस्ता युवकले निवेदन हालेका छन्, जसलाई हामी सहजै पत्याउन सक्दैनौं। पत्याउन उनका कुरा सुन्नैपर्छ। उनी हुन्, नेपाल प्रहरीका पूर्वआईजीपी खड्गजित बरालका नाति पूजन बराल।

उनले म्यादी प्रहरीका लागि दरखास्त हालेको त्यतिबेला खुलासा भयो, जब काठमाडौं प्रहरी परिसरका प्रमुख एसएसपी छविलाल जोशीलाई पूर्वआईजीपी बरालले आफ्नो नातिलाई छनोटका लागि सिफारिस गरे। म्यादी प्रहरी छनोटमा व्यस्त एसएसपी जोशी सुरुमा त आफैं अचम्ममा परे। पूर्वआईजीपी बरालले आफ्ना नातिको म्यादी प्रहरी बनेर दुर्गम ठाउँमा गई सेवा गर्ने रहर सुनाउँदै गएपछि उनलाई पत्याउन करै लाग्यो। त्यसपछि एसएसपी जोशीले म्यादी प्रहरी छनोट भइरहेको टेकु परिसरमा पूजनको खोजी गरे। उनलाई फेला पारेपछि एसएसपी जोशीले सोधे, ‘म्यादी प्रहरीमा भर्ना हुने हो ?’ पूजनले सहजै जवाफ दिए, ‘हो, त्यसैका लागि त निवेदन हालेको र छनोटमा परिन्छ कि भनेर यहाँसम्म आएको।’

पूजनले एसएसपी जोशीसँग भने, ‘म्यादी प्रहरी बन्न निवेदन दिएको मलाई तपाईंले बोलाएर नै सोधेपछि भर्ना हुने थप उत्साह मिलेको छ।’

एसएसपीले जोशीले उनले आफू हजुरबाको प्रेरणाले म्यादी प्रहरीमा भर्ना हुन आएको बताएको जानकारी दिए। पूजन भर्खरै प्लस टु सकाएर उच्च शिक्षा अध्ययनका लागि भारत जाने तयारीमा छन्।यो खबर हामीले आजको राजधानीबाट लिएका हौ।

‘को–को आउँछन्, सबैको पारिवारिक अवस्था र उनीहरूको हैसियत केलाउने कुरा भएन, तर यसले के देखायो भने सम्पन्न परिवार, उच्च तहका व्यक्तिहरू पनि म्यादी प्रहरीमा भर्ना भएका छन्,’ परिसर प्रमुख एसएसपी जोशीले भने।

पूर्वआईजीपी बरालले आफूले नेपाल आमाको सेवा गर्नुपर्छ भन्ने प्रेरणा दिएपछि उनमा म्यादी प्रहरीप्रति मोह बढेको बताए। ‘जागिरको आकर्षण आफ्नै स्थानमा होला, तर जीवनको महŒवबोध पनि हुन्छ, त्यसकारण म्यादी प्रहरीमा भर्ना भए राम्रै हुन्छ भन्ने सल्लाह दिएको हुँ,’ पूर्वआईजीपी बरालले भने, ‘आजकालका केटाहरूको सोचाइ ठूलो हुन्छ तर भुइँको सत्य जो छ, त्यसलाई आधार मान्नुपर्छ।’

उनले आफूले नातिलाई घरमा बस्नुको साटो नेपाल बुझेर आइज भनेर सल्लाह दिएको पनि बताए। पूर्वआईजीपी बराले नाति पूजनलाई नेपालको सबैभन्दा दुर्गम गाउँमा जान पनि सल्लाह दिएका छन्। ‘आम नेपालीले कस्तो पीडा भोगेका छन्, दुर्गममा बस्ने नेपालीहरू कस्तो समस्यामा छन्, त्योबारे जानकारी हुने भएकाले पनि नातिलाई दुर्गममा जान सल्लाह दिएको हुँ,’ उनले भने।

ताजा खबर

प्राकृतिक विधिबाट कसरी फोक्सोलाई तन्दुरुस्त राख्ने ?

फोक्सो किन खराब हुन्छ ? यसमा अनेक कारण छन् । खासगरी वायु प्रदूषण र धुम्रपान फोक्सो खराब गर्ने मूल कारण हुन् ।
- Advertisement -

निद्रा र सुन्दरताबीचको सम्बन्ध

राम्रो स्वास्थ पाउनका लागि सही र पौष्टिक भोजन सेवन गर्नु अति नै आवश्यक हुन्छ । यसको साथै आफ्नो दिमाग ताजा र रिल्याक्स...

पानीको वाफ : अनुहारको छाला र फोक्सोलाई फाइदा

हामीसँग कतिपय यस्ता प्राकृतिक विधी छन्, जो सौन्दर्यदेखि स्वास्थ्यसम्म लाभदायक मानिन्छ । जस्तो कि, पानीको वाफ । एकदमै सरल र छरितो विधी...

दुध चियाले निम्त्याउने स्वास्थ्य समस्या

धेरैजसो नेपालीले दिनको सुरुवात नै चियाबाट गर्छ । आफ्नै भान्सामा पाकेको तात्तातो चिया पिएपछि ज्यान तंग्रिएको महसुष गर्छन् । त्यसो त पाहुनालाई...

Related news

प्राकृतिक विधिबाट कसरी फोक्सोलाई तन्दुरुस्त राख्ने ?

फोक्सो किन खराब हुन्छ ? यसमा अनेक कारण छन् । खासगरी वायु प्रदूषण र धुम्रपान फोक्सो खराब गर्ने मूल कारण हुन् ।

निद्रा र सुन्दरताबीचको सम्बन्ध

राम्रो स्वास्थ पाउनका लागि सही र पौष्टिक भोजन सेवन गर्नु अति नै आवश्यक हुन्छ । यसको साथै आफ्नो दिमाग ताजा र रिल्याक्स...

पानीको वाफ : अनुहारको छाला र फोक्सोलाई फाइदा

हामीसँग कतिपय यस्ता प्राकृतिक विधी छन्, जो सौन्दर्यदेखि स्वास्थ्यसम्म लाभदायक मानिन्छ । जस्तो कि, पानीको वाफ । एकदमै सरल र छरितो विधी...

दुध चियाले निम्त्याउने स्वास्थ्य समस्या

धेरैजसो नेपालीले दिनको सुरुवात नै चियाबाट गर्छ । आफ्नै भान्सामा पाकेको तात्तातो चिया पिएपछि ज्यान तंग्रिएको महसुष गर्छन् । त्यसो त पाहुनालाई...

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्