27 C
Kathmandu
Thursday, March 4, 2021
2021 Mar 04, Thursday 06:05

TRENDING .

निर्वाचन आचारसंहिता मिच्दै दर्जनौं सांसद विदेश सयरमा, संसद कुर्ची खाली

- Advertisement -

चैत-४, काठमाडौं । सभामुख ओनसरी घर्तीमगरलाई समेत पत्तै नदिई दर्जनौं सांसद निर्वाचन आचारसंहिता कुल्चँदै विदेश सयरमा छन् भने केही दर्जन विदेश भ्रमणको तयारीमा छन् ।

निर्वाचन आयोगले मुलुकलाई प्रतिनिधित्व गर्नेबाहेक अन्य प्रयोजनका लागि कर्मचारी र सार्वजनिक पद धारण गरेका व्यक्ति विदेश भ्रमणमा जान नहुने आचारसंहितामा स्पष्ट गरे पनि दर्जनौं सांसदहरू अध्ययन भ्रमण, गोष्ठी र सेमिनारको बहानामा विदेश घुमिरहेका छन् भने तीन दर्जनभन्दा बढी सांसद संसद्का कर्मचारीसहित विदेश भ्रमणको तयारी गरिरहेका छन् ।

संसद् सचिवालयका अनुसार राज्यव्यवस्था समितिका सभापति दिलबहादुर घर्तीमगर र सोही समितिका सदस्य माओवादी केन्द्रका सांसद सन्तु दरै सभामुख ओनसरी घर्तीमगरलाई समेत जानकारी नदिई जापान पुगेर फर्केका छन् ।

संसद्को महिला, बालबालिका समितिका चार सांसद मंगलबार अमेरिका गएका छन् । सभामुख ओनसरी घर्तीमगरलाई कुनै जानकारी नदिई महिला, बालबालिका समिति सभापति रञ्जु ठाकुर, कांग्रेस सांसदद्वय अतहर कमाल मुसलमान र सरिता प्रसाईं तथा माओवादी केन्द्रकी सांसद अनिता परियार महिला सशक्तीकरणसम्बन्धी सम्मेलनमा भाग लिन अमेरिका गएका हुन् ।

यस्तै सभामुख र संसद् सचिवालयलाई कुनै जानकारी नदिई कांग्रेस प्रमुख सचेतक चीनकाजी श्रेष्ठ र परिवार दलका अध्यक्ष एकनाथ ढकालसहितका सांसद कोरिया पुगेर फर्केका छन् । नेपालमा पिस फेडरेसन संस्था सञ्चालन गरिरहेका परिवार दलका अध्यक्ष ढकालकै नेतृत्वमा हालै मात्र कांग्रेसका रामहरि खतिवडासहितका सांसद फिलिपिन्स भ्रमण गरेर फर्केका छन् ।

यता विकास समिति, अर्थ समिति र अन्तर्राष्ट्रिय समितिका सांसद तथा कर्मचारी पनि यसै साता विदेश भ्रमणको तयारीमा छन् । निर्वाचन आयोगले भने सरकारी स्रोतसाधनको प्रयोग गरेर सांसद र कर्मचारीहरू विदेश भ्रमणमा जानु आचारसंहिताको उल्लंघन भएको बताएको छ ।

विकास समितिका सभापति रवीन्द्र अधिकारीको नेतृत्वमा बेलायती अन्तर्राष्ट्रिय संस्था (डीएफआईडी) को सहयोगमा ८ सांसदसहित ९ सदस्यीय टोली चैत ५ गते बेलायत जाँदैछ ।आजको अन्नपूर्ण पोस्ट् दैनिकमा समाचार छ ।

यस्तै खाडी मुलुकमा नेपाली श्रमिकको अवस्था अध्ययन गर्न भन्दै संसद्को अन्तर्राष्ट्रिय सम्बन्ध समितिका सभापति प्रभु साह श्रीमती दिनाकुमारी साहसहित केही खाडी मुलुकको भ्रमणमा जाने भएका छन् । संसद्को अर्थ समितिका सभापति प्रकाश ज्वालाको नेतृत्वमा समितिको ८ सदस्यीय टोली स्विट्जरल्यान्ड र जर्मनीको अध्ययन भ्रमणमा जाँदैछ ।

ताजा खबर

- Advertisement -

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्