27 C
Kathmandu
Sunday, September 19, 2021
Your Ad Here  9857041698

झिसमिसेमै मिना बजार माथि डोजर चल्यो

- Advertisement -
- Advertisement -spot_imgspot_img

फागुन-८, वीरगन्ज- वीरगन्ज उपमहानगरपालिकाले डोजर लगाएर घण्टाघर नजिकको तरकारी बजार भत्काइदिएको छ। आज बिहान करिब ४ बजे झिसमिसेमै डोजरले प्रस्तावित बिपी उद्यानको जग्गामा बसाइएको मिना बजारका टहराहरु भत्काएको हो। बजारभित्रका टहरा भत्काएपछि वीरगन्जका तरकारी ब्यवसायी विरोधमा उत्रिएका छन्। उनीहरुले बजार ब्यवस्थापनका लागि १२ घण्टे अल्टिमेटमसमेत दिएका छन्। साबिक मिना बजारमा रहेका ब्यवसायीहरुलाई त्यहाँ नयाँ संरचना बनाउनका लागि २०६७ पुसमा हटाइएको थियो। आफूहरुलाई उपमाहानगरपालिकाले बिस्थापित गरेको भन्दै त्यतिबेला उनीहरुले गरेको आन्दोलन टुंग्याउन २०६७ पुस ९ मा उपमाहानगरपालिका कार्यालय, जिल्ला प्रसाशन कार्यालय र ‘वीरगन्ज तरकारी तथा फलफुल ब्यवसायी संघ’ तथा ‘माछामासु ब्यवसायी संघ’बीच सहमति भएको थियो। सोही सहमतिअनुसार बिपी उद्यानको जग्गामा बसाइएको मिना बजार उपमाहानगरपालिकाले भत्काइदिएको हो।

पुरानो मिना बजारमा नयाँ कम्प्लेक्स बनेपछि त्यसलाई उपमाहानगरपालिले ठेक्कामा लगाएको छ। ठेकेदारले महँगोमा ठेक्का लिएकाले भाडा पनि बढी नै छ। तरकारी ब्यवसायी पुरानो ठाउँमा बनेको नयाँ कम्प्लेक्समा सरेनन्। ठेकेदारको ब्यक्तगित लाभको लागि आफूहरुको बजार भत्काइदिएको वीरगन्ज तरकारी तथा फलफुल ब्यवसायी संघका महासचिव संजय बर्णवालले आरोप लगाए।

उनका अनुसार पाँच सय ठूला र पाँच सयभन्दा बढी साना पसलहरु सञ्चालन हुदै आएको मीना बजारमा २ हजार बढीले रोजगारी पाएका थिए। उनीहरुको जीविकोपार्जन मासिएको बर्णवालको भनाइ छ। ‘हामीले ब्यवस्थापनका लागि स्थानीय प्रसाशनलाई १२ घण्टाको अल्टिमेटम दिएका छौं, त्यसभित्र सुनुवाई भएन भने वीरगन्ज बजार ठप्प पार्छौं,’ संघका अध्यक्ष बिदुर गुप्ताले भने।

- Advertisement -

ताजा खबर

- Advertisement -spot_img

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

error: Content is protected !!