27 C
Kathmandu
Sunday, April 18, 2021

TRENDING .

‘छक्का पन्जा’ प्रकरणः दीपक–दीपा प्रहरीमा, थप आन्दोलन गर्छौं: नेविसंघ, घटनालाई ढाकछोप गरिदैछ : सुबेदी परिवार

- Advertisement -
- Advertisement -spot_imgspot_img

माघ-१०, कावासोती, खगराज सापकोटा । नेविसंघ नवलपरासीले दबाबमूलक -याली र छक्काजामका कार्यक्रम गर्दै थप आन्दोलन चर्काउने चेतावनी दिएको छ ।हिजो नवलपरासीको कावासोतीमा नेविसंघले हजारौको संख्यामा बिद्यार्थी सडकमा उतारेको थियो । उनीहरुले नारावाजी सहित पुर्व पश्चिम राजमार्ग १ घण्टा छक्का जाम समेत गरेकाथिए ।

नेपाल बिद्यार्थी संघ नवलपरासीले चलचित्र छक्का पन्जाको पाइरेसी मा मुछिएका भनिएका नवलपरासी कावासोतीका कृष्ण सुबेदीको संकास्पद मृत्युको निस्पक्ष छानबिन भै सत्य तत्थ्य बाहिर नआउदा सम्म सडकमा आफुहरु जुन बेला पनि उत्रन सक्ने नेविसंघका जिल्ला कोषाध्यक्ष लक्ष्मण रिजाल ले बताए ।

नेविसंघका केन्द्रीय सदस्य रामचन्द्र भट्टराईले यदि दिपक राज गिरिको टिमले हत्या गरेको प्रतक्ष रुपामा नदेखिएको भएपनि हत्या गर्ने सैलीमा धम्कि दिएर मानसिक तनाब दिनु र आत्म हत्या गर्ने सम्मको स्थिति सृजना हुनुमा छक्का पन्जा टिमनै दोशी रहेको बताए ।

संघले घटनाको निस्पक्ष छानबिन गरि दोषीलाई कारवाही नभएसम्म छक्का पन्जा टिम घटना संग जोडिएकाले त्यस टिमले उत्पादन गरेका कुनैपनि चलचित्र नवलपरासीका हलमा चल्न नदिने, त्यति गर्दा पनि दोषी उपर कारवाही नभए थप आन्दोलनका कार्यक्रम ल्याउने भनि सकेको छ । सोहि कार्यक्रम अनुसार संघले आइतबार कावासोतीमा दबाबमूलक -याली सहित एक घण्टा  चक्काजाम  गरेको थियो ।

नोबेल कलेज सिनामंगलमा अध्यानरत कावासोतीका कृष्ण सुबेदी गत पुस २८ गते आफ्नै कोठामा संकास्पद तरिकाले झुन्डिएको अवस्थामा भेटिएका थिए ।

कृष्ण सुबेदीका दाजु हरि सुबेदीले आफ्नो भाईको हत्या भएको र घटना लाई ढाकछोप गर्न आत्म हत्या भनेर प्रचार गरिएको आरोप लगाएका छन् । उनले दिपक राज गिरीले प्रहरीमा छानबिनको लागि निबेदन दिनु नाटक भएको समेत जिकिर गरे ।

 चलचित्र ‘छक्का पन्जा’का निर्माता तथा कलाकार दीपकराज गिरी र निर्देशक दीपाश्री निरौला भने प्रहरी परिसर गौशाला पुगेर छानविनको माग गरेका छन । ‘छक्का पन्जा’ पाइरेसी गरेको आरोप लागेका नवलपरासीका कृष्ण सुवेदीले केहि दिन अगाडि आफ्नै कोठामा झुण्डिएको अवस्थामा भेटिएका थिए त्यसपछि सामाजिक संजाल र केहि मिडियामा निर्माता दीपकराज गिरीको धम्कीका कारण कृष्णले आत्महत्या गरेको भन्दै खबर फैलिएको थियो ।
प्रहरी परिसरमा छानविनको माग गर्दै निवेदन दिएपछि संचारकर्मीसँग कुरा गर्दै दीपकले यो घटनामा आफ्नो एक प्रतिशत पनि हात भएको खण्डमा सजायँ भोग्न तयार भएको बताए । उनले, कृष्णको आत्महत्याको छानविन गरि वास्तविकता सार्वजनिक गर्न प्रहरीलाई निवेदन दिएको बताए । आम जनतामा यसको वास्तविकता आउन जरुरी भएको उनको भनाई थियो ।
- Advertisement -

ताजा खबर

- Advertisement -spot_img

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्