27 C
Kathmandu
Sunday, April 18, 2021

TRENDING .

दक्षिण एसियामै नभएको कानुन नेपालमा, यसरी गरिदैछ कैद भुक्तान

- Advertisement -
- Advertisement -spot_imgspot_img

माघ-४, कर्तव्य ज्यान, जबर्जस्ती करणी, मानव बेचबिखन तथा ओसारपसार, भ्रष्टाचार, डाँका, शरीर बन्धक लिने वा अपहरण गर्ने लगायतका १२ वटा कसुरमा कैद निलम्बन गर्न नसकिने अपराधको प्रकृति हेरेर सामुदायिक सेवा गर्न आदेश दिने गरी कानुन बन्न लागेको छ। फौजदारी कसुरमा सजाय निर्धारण तथा कार्यान्वयन गर्ने सम्बन्धमा व्यवस्था गर्न बनेको विधेयक अन्तर्गतको उपसमितिले सुधारात्मक सिद्धान्तका आधारमा सजायको व्यवस्था गर्ने कानुन प्रस्ताव गरेको छ। अपराधको प्रकृति अनुसार बिभिन्न खालका सार्वजनिक काम गर्न अदालतले आदेश दिने र अपराध गर्नेलाई सुधार्ने खालको कानुन प्रस्ताव गरिएको उपसमितिका संयोजक रामनारायण बिडारीले बताए। उपसमितिले तयार पारेको प्रतिवेदनले संसदीय प्रक्रिया गरेर राष्ट्रपतिले प्रमाणीकरण गरेपछि कानुनको रूप लिन्छ। ठूला अपराधमा समेत कैद भुक्तान गरिरहेको बन्दी सुध्रिएमा उनीहरुलाई सार्वजनिक काम लगाएर कैद भुक्तान हुँदै जाने गरी कानुन ल्याउन लागिएको बिडारीले भने। अदालतले तोकेको सार्वजनिक सेवा दुई दिन गरे चार दिन बराबरको कैद भुत्तान हुने प्रावधान राखिएको उनले जानकारी दिए। ‘ठूला अपराधमा पन्ध्र वर्ष जेल परेको बन्दीले दस वर्ष कैद भुक्तान गरेपछि उसको आचरण हेरेर पाँच वर्षसम्म दिनभर घरमा काम गरी राति जेलमा आएर बस्नसक्ने समेत व्यवस्था प्रस्ताव गरिएको छ,’ बिडारीले भने, ‘कतिपए अपराधको हकमा साताको एक दिन जेलमा हाजिर भए हुने अनि कतिपय अवस्थामा दैनिक रुपमा जेलमा हाजिर हुने र काममा जानसक्ने समेत प्रावधान राखिएको छ।’

- Advertisement -

ताजा खबर

- Advertisement -spot_img

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्