8.1 C
Kathmandu
Monday, May 16, 2022
Your Ad Here  9857041698

संशोधन थाती राखेर भएपनि स्थानीय चुनाव अनिवार्य : नेपाली कांग्रेस

- Advertisement -
- Advertisement -spot_imgspot_img

काठमाडौँ, पुस-११ । सत्तारुढ कांग्रेस संविधान संशोधन तत्कालका लागि थाती राखेर स्थानीय निकायको निर्वाचन गर्नुपर्ने पक्षमा उभिएको छ । पदाधिकारी, पूर्वपदाधिकारी तथा केन्द्रीय सदस्यहरूले संविधान कार्यान्वयनका लागि निर्वाचन अनिवार्य भएको बताएका छन् ।

कांग्रेस पदाधिकारी, पूर्वपदाधिकारीको आइतबार बसेको बैठकमा सभापति शेरबहादुर देउवाले निर्वाचनको मिति घोषणा भएमा राजनीतिक वृत्तमा सकारात्मक सन्देश जाने र संविधान कार्यान्वयनको चरण सुरु हुने बताए । ‘तत्काल स्थानीय तहको निर्वाचन गर्न सक्ने सम्भावना नभएकाले निकायकै भए पनि निर्वाचन गर्नुपर्छ,’ देउवाले बैठकमा भने, ‘संविधान संशोधन प्रस्ताव थाती राखेर भए पनि तत्काल स्थानीय निकायको निर्वाचनको मिति घोषणा गर्ने विषयमा प्रधानमन्त्री र प्रतिपक्षी एमालेसँग छलफल चलाउनुपर्छ ।’

वरिष्ठ नेता रामचन्द्र पौडेलले संसदीय प्रक्रियाबाट समस्या समाधान खोज्न सबैभन्दा ठूलो पार्टी भएकाले कांग्रेसले पहलकदमी लिनुपर्ने बताए । ‘संसद्को गतिरोध अन्त्य गरेर संविधान कार्यान्वयनको चरणमा मुलुकलाई लैजान आवश्यक छ । यसका लागि निर्वाचन घोषणा हुनुपर्छ । विपक्षीलाई समेत साथमा लिएर मधेसको समस्या समाधान गरिनुपर्छ,’ पौडेलले भने, ‘तत्काल स्थानीय तहको निर्वाचन सम्भव नभए स्थानीय निकायको भए पनि निर्वाचन घोषणा गरेपछि विपक्षीलाई संसद् खोल्न दबाब बढ्छ ।’

नेता कृष्ण सिटौलाले समसामयिक राजनीतिक घटनाक्रमबारे उल्लेख गर्दै दलहरूबीच औपचारिक–अनौपचारिक छलफल भइरहे पनि संविधान कार्यान्वयन प्रक्रिया भरपर्दो रूपमा अघि बढ्न नसकेको बताए । निर्वाचन र संविधान कार्यान्वयनको विषयमा विपक्षी एमाले र असन्तुष्ट मधेसकेन्द्रित दललाई पनि सँगै लिएर अघि बढ्नुपर्ने उनको भनाइ थियो । महामन्त्री डा. शशांक कोइरालाले पुरानै संरचनाअनुसार स्थानीय निकायको निर्वाचन गर्दा सजिलो हुने निष्कर्ष पार्टीको रहेको बैठकपछि जानकारी दिए । उनले भने, ‘निर्वाचन स्थानीय तहको वा पुरानो कुन संरचनामा गर्ने भन्ने बहस बैठकमा भयो ।

तत्काल तहको निर्वाचन सम्भव देखिएन, त्यसैले पुरानै संरचना अर्थात् स्थानीय निकायको निर्वाचन गर्दा सजिलो हुन्छ भन्ने भयो ।’ स्थानीय निर्वाचन घोषणा गर्दा संसद् अवरुद्ध गर्दै आएका विपक्षी एमालेलगायत दलमाथि जनस्तरबाटै संसद् खोल्न दबाब पर्ने कांग्रेसको बुझाइ रहेको पनि कोइरालाले जानकारी दिए ।
नयाँ पत्रिकाबाट

- Advertisement -

ताजा खबर

- Advertisement -spot_img

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

error: Content is protected !!