काठमाडाैं, ५ पुस । युवा संघ, रुपन्देहीका अध्यक्ष दुर्गा तिवारीको हत्याबारे छानविन गर्न सरकारले उच्चस्तरीय छानविन आयोग गठन गरेको छ । छानबिन अायाेगकाे संयाेजक नेपाल प्रहरीका एअाइजी विज्ञानराज शर्मा रहेका छन् । त्यस्तै उनी नेतृत्वमा ५ सदस्यीय समिति बनेकाे छ ।
समितिका सदस्यहरुमा राष्ट्रिय अनुसन्धान विभागका एआइजी यादवप्रसाद रेग्मी, एसएसपी मनोज न्यौपाने, गृहका उपसचिव शिवराज जोशी र गृहका प्रवक्ता बालकृष्ण पन्थी रहेका छन् । युवा संघले गृहमन्त्रीलार्इ भेटेर छानबिन समिति बनाउन माग गरेकाे थियाे । छानबिन अायाेगले डेढ हप्ताभित्र प्रतिवेदन बुझाउने छ ।
साेमबार दिउँसाे युवा संघ रूपन्देहीका अध्यक्ष दुर्गा तिवारीमाथि गाेलि प्रहार भएकाे थियाे । गाेलि प्रहारबाट गम्भिर घाइते भएका उनकाे उपचारकाे क्रममा अस्पतालमा मृत्यु भएकाे थियाे । उनलार्इ गाेली प्रहार गर्न लगाउने मनाेज पुन पनि एमालेकै कार्यकर्ता रहेकाे रहस्य खुलेकाे थियाे ।
