8.1 C
Kathmandu
Monday, May 16, 2022
Your Ad Here  9857041698

उर्दु शिक्षाको खोजीमा भारत जान बाध्य नवलपरासीका मुस्लिम विद्यार्थीहरु, नेपालमै पाउनु पर्ने माग

- Advertisement -
- Advertisement -spot_imgspot_img

पुस-२, रबिन्द्र यादव, परासी । नवलपरासीका मुस्लिम समुदायहरुले जिल्लामा उर्दु उच्च शिक्षाको माग गरेका छन् । कक्षा ५ सम्मको मात्र अनुमति प्राप्त मदरसाहरुले अब उच्च शिक्षा सम्मको अनुमति पाउनुपर्ने सरकारसँग माग गरेका हुन् । जिल्लाको सदरमुकाम परासीमा आयोजित सप्ताहव्यापी कार्यक्रम अन्तर्गत जल्सा कार्यक्रममा (धार्मिक प्रवचन) धर्मावलम्बीहरुले उर्दु शिक्षापनि अरु शिक्षा जस्तै उच्चशिक्षाको अनुमपति पाउनु पर्ने संयुक्त रुपमा माग गरेको तन्जिमुल ओल्मा युनियनका अध्यक्ष सैयद गुलाम हुसैन मिँयाले बताउनुभयो । जिल्लामा ४३ वटा मदरसाहरु संचालित छन् तर सबै मदरसामा कक्षा ५ सम्मको मात्र उर्दु धार्मिक शिक्षा पठनपाठन गर्न जिल्ला शिक्षा कार्यलयले अनुमति दिएको छ ।   जिल्लामा सांस्कृति तथा बौद्ध विद्यालयहरुले उच्च शिक्षा समेत शिक्षा प्रदान गरिरहदा हामी मुस्लिम समुदायले पनि उर्दुको उच्च शिक्षा पठनपाठन गर्न पाउनु पर्ने सरकारसंग माग गरिएको अध्यक्ष हुसैन मिँयाले जानकारी दिनुभयो। कक्षा ५ पछिको पढाई पछि सामर्थ विद्यार्थीले छिमेकी देश भारतमा गई उच्च शिक्षा हासिल गर्ने गरेका छन् भने अधिकांश विद्यार्थीहरु उर्दु शिक्षाबाट बन्चित हुने गरेका छन् ।  ईस्लामिक मुल्यमान्यता अनुसार उर्दु शिक्षा प्रत्येक मुस्लिम वर्गले हासिल गर्न आनिवार्य मानिन्छ तर पनि केहि व्यक्तिहरुले मौलाना तथा धर्मावलम्बी बन्न खोज्दा नेपालमा कक्षा ५ पछिको शिक्षाको व्यवस्था नहुँदा अधिकांश विद्यार्थीहरुको भविष्य अन्यौलमा पर्ने गरेको ईस्लामिया मदरसा संघका अध्यक्ष बुद्धन अलिले बताउनुभयो । परासीमा आयोजित जल्समा धर्मावलम्बीहरुले पछाडी परेका मुस्लिम समुदायहरुको चेतना वृद्धिका लागि सरकारले विभिन्न चेतनामुलक तथा शिपमुलक तालिम दिन आग्रह गरे । मोहम्मद डे को अवसरमा चल्दै आएकोस्ताह व्यापी जल्सा कार्यक्रम नवलपरासीको सदरमुकाम परासीमा सम्पन्न भएको छ ।

- Advertisement -

ताजा खबर

- Advertisement -spot_img

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

error: Content is protected !!