8.1 C
Kathmandu
Monday, May 16, 2022
Your Ad Here  9857041698

हप्ता दिनदेखि बढेको चिसोको कारण जिल्लाको जनजीवन प्रभावित

- Advertisement -
- Advertisement -spot_imgspot_img

मंसिर-२९,कावासोती,  खगराज सापकोटा । हप्ता दिनदेखि बढेको चिसोको कारण जिल्लाको जनजीवन प्रभावित बनेको छ । त्यसको मार सबैभन्दा बढी विपन्न र गरिब समुदायलाई परेको छ । जसका कारण दैनिक मजदुरी गरेर खानेलाई छाक टार्न मुस्किल परेको छ । बाक्लो हुस्सुसँगै बढेको शितलहरले बिहान ९ बजेसम्म स्थानीयवासीहरु घरबाट निस्कन सकेका छैनन् । बिहानको समय सडकमा पनि सवारी साधन कम चलेका छन् । चिसो बढेपछि घर बाहिर आगो तापेर स्थानीयहरु बस्न थालेका छन् । कावासोती–१५ शेरगञ्जमा बसोबास गर्ने मुसहर बस्तीका बालबालिका बढी जाडोको कारण प्रभावित बनेका छन् । बिहान र रातको समय चिसो छल्नका लागि आगो तापेर बस्नुपर्ने बाध्यता रहेको छ । माझी मुसहर बोटे कल्याण सेवा समिति नवलपरासीका अध्यक्ष लालबहादुर बोटेले विपन्न समुदायमा शितलहरको कारण जनजीवन प्रभावित बनेकाले न्यानो कपडाको आवश्यकता रहेको बताए । अघिल्ला वर्षहरुमा विभिन्न संघ संस्थाले यस क्षेत्रमा न्यानो कपडा तथा कम्बल वितरण गर्ने गरेको भए पनि अहिले छिट्टै जाडो बढे पनि कुनै पनि संघ संस्था र निकायको ध्यान नपुगेको बताए । पशु चौपायसमेत चिसोबाट प्रभावित बनेका छन् । जिल्लाको परासी क्षेत्रमा शितलहरले स्थानीय बढी प्रभावित बनेका छन् । जिल्लाको दैविक प्रकोप उद्धार समितिले शितलहरबाट प्रभावितका लागि के गर्ने भन्ने विषयमा छलफलको तयारी गरेको प्रमुख जिल्ला अधिकारी उदयबहादुर रानाले जानकारी दिए । अहिले शितलहरको कारण जनजीवन प्रभावित भएको खबर नआएको भए पनि यस क्षेत्रमा हरेक वर्ष शितलहरले असर पार्ने हुँदा पूर्वतयारीका लागि सरोकारवालासँग छलफल गर्न लागिएको प्रमुख जिल्ला अधिकारी रानाले बताए ।

- Advertisement -

ताजा खबर

- Advertisement -spot_img

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

error: Content is protected !!