सुनवल, फागुन ४-
खोलाबाट अबैध रुपमा खोलाजन्य पर्दाथ चोरी निकासी बढेको छ । सुनवलको तुरिया खोलाबाट दिनहुँ यस्तो चोरी निकाशी हुने भएपछि प्रहरीले कढाइ गरेको छ । सुनवल प्रहरीले अबैध रुपमा ढुङ्गा लोड गरेको अबस्थामा ८ वटा ट्याक्टरलाई पक्राउ गरेको छ ।
ईलाका प्रहरी कार्यालय सुनवलका प्रहरी निरिक्षक योगेन्द्र तिमील्सिनाको टोलीले लु २ त ७३४८ लु २ त ७२९६ लु २ त २७४८ लु ३ त २४२७ लु ३ त २४२५ लु ३ त २४०५ लु ३ त ६४९ लु ३ त ९६६२ नम्वरका टेक्ट्ररहरु पक्राउ गरेको हो । पक्राउ परेका ट्याक्टरलाई पहिलो पटक रु सात हजार जरिवाना र पटके भए बढी जरिवाना लिने गरेको छ । यस्ता ट्याक्टर जिल्ला विकास समिति नवलपरासीमा जरिवाना तिरेको रसिद प्रहरीमा लिएर गएपछि छुट्ने गरेका छन् ।
पक्राउ परेका टेक्ट्ररमा ल्याइएको ढुङ्गा कार्यालयमै खसालेर जरीमाना लिएर छाड्ने गरेको तिमील्सिनाले बताए । जरिवाना गर्दा पनि पटक पटक एउटैकाममा ट्याक्टरहरु खोलामा जाने गरेका छन् ।
जिल्ला बिकास समितिले आर्थिक वर्षको अन्तिममा खोलाजन्य पर्दाथको ठेक्का बन्दोबस्त गर्दै आएको भए पनि यस वर्ष खोलाहरुको वातारण प्रभाव मुल्यांकन नभएको र कतिपय खोला राष्ट्रपति चुरे संरक्षण अन्तरगत परेकाले पनि ठेक्का लगाउन नसक्दा चोरी निकाशी बढेको छ । जिल्ला विकास समितिले खोलाको ब्यव्स्थापन भन्दा पनि बाहाना बनाउने गरेकाले एकातिर करोडौ राजश्व गुमेको छ भने अर्कोतिर खोलामा दोहोन बढेको छ ।
तुुरिया जस्तै जिल्लामा रहेका एक दर्जन खोलाहरुमा जिल्ला बिकास समितिले ठेक्का लगाउन सकेको छैन । गत आर्थिक वर्षमा लगाएका ठेक्काबाट निकालिएको स्टक बिक्री गरेर नसकिएकाले जिविस र ठेकेदारको मिलेमतोमा खोलाको ठेक्का हुन सकेको छैन । जिल्ला विकास समितिले भने खोलाको ठेक्का निकाल्ने काम भइरहेको जनाएको छ । अहिले सम्म दुई वटा खोलाको मात्र ठेक्काका लागि जिविसले सूचना निकालेको छ ।