27 C
Kathmandu
Monday, October 26, 2020
2020 Oct 26, Monday 06:05

TRENDING .

दीपेन्द्रको प्रेमी देवयानी राणाको यस्तो रहेछ धुरु धुरु रुवाउने कथा

- Advertisement -

कसै कसैलाई त नियति यतिसम्म ठग्छ कि, जिन्दगी ठक्करै–ठक्करको संग्रह बनिदिन्छ । यदि त्यो क्रुर हत्याकाण्ड नहुँदो हो त यतिबेला हामी उनलाई मुलुककी महारानीका रुपमा पाउथ्यौं । नियतिले उनलाई रानी ऐश्वर्याको बुहारी त बनाएन, बरु त्यही नामका एक पुरुषको अर्धाङ्गिनी बनायो, तैपनि नियतिको जालमा परेर कष्टैकष्टले भरिएको कथामा रुमल्लिएकी छन् । प्रसंग हो–पशुपति शमशेरपुत्री देवयानी राणाको ।

कंग्रेस आईका नेता तथा केन्द्रीय सरकारका पूर्वमन्त्री अर्जुन सिंहको छोरातर्फकी नातिनी बुहारी बनेर दिल्लीको कालन्दीमा अलग्गै रहँदैं आएकी छन्, देवयानी । अर्जुनकी छोरी बिनाकुमारी सिंहको विवाह राजा भुवनेश्वरप्रसाद सिंह (सिंग्राली)सँग भएको थियो । उनैका छोरा कुँवर ऐश्वर्य सिंहकी पत्नी हुन्, उनी । सन् २००७ को २३ फेब्रुअरीमा ऐश्वर्य ३२ को र देवयानी ३६ वर्षकी छँदा जोडिएको दाम्पत्य अहिले संकटमा परेको छ । अर्थात कानुनी रुपमा सम्बन्ध विच्छेदको प्रक्रिया सुरु भइसकेको छ । यस्तो बेला पशुपति समशेरलाई एकातिर पार्टी अध्यक्ष त्याग्नुको विस्मात्, अर्काति बल्ल–बल्ल जोडिएको कान्छी छोरीको घरबार भत्किनै लागेको चिन्ताले सँगै गाँजेको छ ।9574debyani-rana

चार वर्ष कान्छो केटोसँग दाम्पत्य सम्बन्ध कायम गरेकी देवयानी पति परस्त्रीप्रेमी हुनु नै सम्बन्ध विग्रनुको कारण भएको विजयवासस्रोतले जनाएको छ । सहज रुपमा सन्तानोत्पादन नहुँदा देवयानी मुम्बईमा टेष्टट्युब प्रविधीबाट एउटा छोरा जन्माएकी छन् । अहिले पति पत्नीबीच जटिल बनेको मुद्धा हो, त्यही छोराको । कोसँग राख्ने भन्ने कुराको छिनोफानो भइसकेको छैन । ऐश्वर्यको भनाइ छ, ‘म टाट पल्टिसके । छोरा मैले राख्नुपर्ने हो भने खर्चबर्च पनि देउ ।’ कान्छी देवयानी यस्तो झमेलामा परिरहँदा पशुपति समशेरकी जेठी छोरी उर्वशीको जिन्दगी भने ‘हाई–हाई’ मै चल्दैंछ । उनका लागि दिल्ली सिंगापुर, अमेरिका भन्नु पानी पधेरोजस्तो—तिनै देशमा घर छ ।

त्यस्तै ०५८ जेठ १९ कै दरबार हत्याकाण्डमा ज्यान गुमाएका राजा वीरेन्द्रका कान्छा भाइ धीरेन्द्रतर्फतका तीन छोरी आ–आफ्नो घरजममा लागेपछि निवास जीवनकुन्ज अलपत्र छ । महाराजगन्जमा ३२ रोपनी क्षेत्रफल रहेको जीवनकुन्ज ५० वर्षका लागि भाडामा लागेको छ । भाडामा लिने ब्यक्तिका रुपमा अरुलाई नै अगाडि सारिएको छ, तर त्यहाँ पुकार राणाहरुले विभिन्न कारोबार सञ्चालन गर्ने भएका छन् ।

अस्पताल, सपिङ मलमध्ये के सञ्चालन गर्ने टुंगो लागिसकेको छैन । तर, महंगो दरमा जग्गा भाडामा लिएका कारण महिनामा कम्तिमा तीन करोड नाफा हुने गरी कारोबार सञ्चालन गर्नुपर्ने बाध्यता रहेको स्रोतले जनाएको छ । धीरेन्द्रकी जेठी छोरी पूजाको स्वामित्व रहेको र पति डा. राजीव शाहीले हेर्ने धुम्बाराहिको क्लब कुण्डलिनीलाई अस्पतालको रुपमा विकास गर्ने पूरानो योजना अलपत्र छ ।

दरबार हत्याकाण्डमा ज्यान गुमाएका राजपरिवारका १० सदस्यमध्ये राजा महेन्द्रका दुई छोरी शान्ति र शारदा पनि थिए । घटनामा औला छिनेर बाँचेकी एकमात्र सन्तान हुन्, शोभा, ज्वाइँ कुमार मोहनबहादुर शाही । उनीहरुका एक्लो छोरा हिमवानको विवाह नेपाली सेनाका उडड्यनतर्फका हालै अवकासप्राप्त जर्नेल (पाइलट) सतिशविक्रम शाहीकी छोरी स्तुतिसँग हुँदैंछ—फागुन १८ र १९ गते ।

उता त्यही घटनामा परेकी राजा वीरेन्द्रकी एक्ली छोरी श्रुतिका दुई छोरी गिर्वाणी र सुराङ्गनालाई पढाइका लागि दक्षिण भारतमा भर्ना गर्न लगिएको छ । जेठी गिर्वाणी १७ वर्षकी भइन । दरबार हत्याकाण्डमा जेठी तीन वर्षकी र कान्छी केही महिनाकी काखे बच्ची थिइन । अर्थात सन् २००१ को जुन १ तारिखमा दरबार नरसंहार भयो, गिर्वाणी सन् १९९८ मा जन्मिइन । श्रुति मारिएपछि पति गोरख शमशेर राणाले अर्को विवाह गरे, दिप्ती चन्दसँग । दिप्तीबाट जन्मिएकी छोरीलाई १७ माघमा गुन्युचोलो दिइयो, दरबारमार्गस्थित होटल डेला अन्नपूर्णमा भब्यभोजसहित । तिथीअनुसार २७ गतेको साइत थियो, गुन्युचोलोको । तर, श्रुतितर्फका छोरीहरु भारत जानुपर्ने कारण १० दिन पहिल्यै कार्यक्रम भयो ।

–जनआस्था साप्ताहिकबाट

ताजा खबर

प्राकृतिक विधिबाट कसरी फोक्सोलाई तन्दुरुस्त राख्ने ?

फोक्सो किन खराब हुन्छ ? यसमा अनेक कारण छन् । खासगरी वायु प्रदूषण र धुम्रपान फोक्सो खराब गर्ने मूल कारण हुन् ।
- Advertisement -

निद्रा र सुन्दरताबीचको सम्बन्ध

राम्रो स्वास्थ पाउनका लागि सही र पौष्टिक भोजन सेवन गर्नु अति नै आवश्यक हुन्छ । यसको साथै आफ्नो दिमाग ताजा र रिल्याक्स...

पानीको वाफ : अनुहारको छाला र फोक्सोलाई फाइदा

हामीसँग कतिपय यस्ता प्राकृतिक विधी छन्, जो सौन्दर्यदेखि स्वास्थ्यसम्म लाभदायक मानिन्छ । जस्तो कि, पानीको वाफ । एकदमै सरल र छरितो विधी...

दुध चियाले निम्त्याउने स्वास्थ्य समस्या

धेरैजसो नेपालीले दिनको सुरुवात नै चियाबाट गर्छ । आफ्नै भान्सामा पाकेको तात्तातो चिया पिएपछि ज्यान तंग्रिएको महसुष गर्छन् । त्यसो त पाहुनालाई...

Related news

प्राकृतिक विधिबाट कसरी फोक्सोलाई तन्दुरुस्त राख्ने ?

फोक्सो किन खराब हुन्छ ? यसमा अनेक कारण छन् । खासगरी वायु प्रदूषण र धुम्रपान फोक्सो खराब गर्ने मूल कारण हुन् ।

निद्रा र सुन्दरताबीचको सम्बन्ध

राम्रो स्वास्थ पाउनका लागि सही र पौष्टिक भोजन सेवन गर्नु अति नै आवश्यक हुन्छ । यसको साथै आफ्नो दिमाग ताजा र रिल्याक्स...

पानीको वाफ : अनुहारको छाला र फोक्सोलाई फाइदा

हामीसँग कतिपय यस्ता प्राकृतिक विधी छन्, जो सौन्दर्यदेखि स्वास्थ्यसम्म लाभदायक मानिन्छ । जस्तो कि, पानीको वाफ । एकदमै सरल र छरितो विधी...

दुध चियाले निम्त्याउने स्वास्थ्य समस्या

धेरैजसो नेपालीले दिनको सुरुवात नै चियाबाट गर्छ । आफ्नै भान्सामा पाकेको तात्तातो चिया पिएपछि ज्यान तंग्रिएको महसुष गर्छन् । त्यसो त पाहुनालाई...

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्