३ पुस
नेपाल विद्युत प्राधिकरणले शनिबारदेखी लागू हुने गरी लोडसेडिङको परिवर्तित तालिका सार्वजनिक गरेको छ । हाल सातामा ५६ घण्टा लोडसेडिङ हुँदै आएकोमा अब सातामा ७० घण्टा लोडसेडिङ हुनेछ । विद्युत प्राधिकरणका अनुसार माग भन्दा उत्पादन कम भएको भन्दै शनिबारदेखी साविक लोडसेडिङमा २ घण्टासम्म समय बढाउने भएको हो । नदीमा पानीको बहाव कम भएको र भारतको अघोषित नाकाबन्दीका कारण इन्धनको रूपमा समेत बिजुलीको प्रयोग बढ्दा माग बढेको र उत्पादन घटेका कारण लोडसेडिङ बढाउनु परेको प्राधिकरणले जनाएको छ । सुख्खा मौसमका कारण बिजुली उत्पादनमा कमी आएको प्राधिकरणले जनाएको छ ।